Item also op heden dach hadden inde banc voir meye(r) en(de)/ scepen(en) van loven(en) jan van elstbroeck die met scepen(en)/ brieven van loven(en) ageert in deen zijde jan vaes jan/ vand(er) straten denijs en(de) henric van hellegate/ gebruede(re)n ter andere dair de vors(creven) jan vaes/ met sijnen medeplegers meynde dat de vors(creven) jan/ van elstbroec sijn brieve soude laten luyden en(de) dae(re)n/ teynden meynden zij reden(en) te seggen bijden welcken hen/ de scepen(en) brieve vors(creven) tot gheenen hynder en souden/ connen gecomen dair af de vors(creven) jan van elstbroec hyelt/ de contrarie En(de) also wert gewijst bijden he(re)n scepen(en)/ van loven(en) t(er) manessen smeyers dat de vors(creven) jan van/ elstbroek zijn scepen(en) brieve soude laten luyden/ en(de) dae(re)nteynden recht cor(am) eisd(em) in scampno