Item henric van buetschore in yegenwordicheid(en) vanden/ burgermeeste(re)n scepen(en) en(de) raide der stat van loven(en) heeft/ mechtich gemaect gertruden zijnd(er) werdynnen ende/ arnde vander beke oft den eenen van hen Te aenverden/ op te heffen te boren [en(de)] tontfane alsulke haeflike goede beesten/ oft ande(r) als zijn int hof te buetschore bynnen den plate(n)/ en(de) bevange des selfs henricx de selve haeflike goede/ totten eynde uut te volghen te bedingen te wynnen/ en(de) te verliesen al na costume en(de) gewoenten ende/ rechte vand(en) vors(creven) plaetsen dair ond(er) die zijn ende/ also dat behoe(re)n sal en(de) vortaen generalic en(de) specialijc/ dair inne te doen en(de) te vorde(re)n des de selve henric in/ p(er)sone selve soude mogen doen p(ro)mitt(ens) rat(um) no(vembris) ix