Allen den ghenen die dese l(ette)ren sullen sien oft hoe(re)n/ lesen burgermeeste(re)n scepen(en) en(de) raide der stat van/ loven(en) saluyt Doen cont en(de) te weten(e) dat opden/ dach datum van desen voir ons comen zijn collart de/ moncheal en(de) johanne de moncheal zijn suster/ beide woenen(de) te nodebaix en(de) hebben geconstitueert/ volcomen macht procuracie en(de) auctoriteit gegeve(n)/ wille(m)me de moncheal hue(re)n brued(er) alle en(de) yegewelke/ hue(r) saken questien en(de) gescillen die zij uutstaen(de) heeft oft/ hebben sal mogen alle hue(r) goede chijsen rente(n) erfpachte(n)/ en(de) sculden zoe wair zij die liggen(de) heeft voir allen/ gerichten gheestelic en(de) weerlic Te manen teysschen/ op te boren en(de) tontfangen dair voir te panden te dage(n)/ rastemente(n) te doen leggen die met rechte te v(er)volgen/ te wynne(n) te verliesen composicie en(de) mynlike effeni(n)ge/ dair af te maken tgewisde te voldoene getuygen te/ leiden d(er) wederp(ar)tien getuygen te sien zweren die/ te batteren also dicwille en(de) menichwerven als des
//
behoeven sal te replice(re)n te dupliceren also wel int/ principael als int accessoir en(de) vortaen generalijc/ en(de) specialijc allet ghene dair inne te doen des/ de vors(creven) p(er)sone selve soud(en) mogen doen (et)c(etera) p(ro)mitt(ens) rat(um)/ salvo iusto calculo novembris xii