It(em) gheert vanden bogarde sone wilen mathijs woenen(de) te/ meensele in p(rese)ncia heeft gelooft willem(me) van daelhem en(de) janne/ cokart sone wilen machiels sijnen zwager in hue(re)n handen te/ stellen en(de) te veroblige(re)n behoirlic voir hof en(de) hee(r) alle alsulke/ erfgoede als hij liggen(de) heeft inden dorpe van meensele/ en(de) d(air) omtrent Op vuege en(de) condicie want de voirscr(even)/ willem en(de) jan hen verbonden hebben voir den vors(creven)/ gheerde ind(er) heyliker vorweerden die tusschen hen/ ter eender en(de) m(ar)grieten dochter jans cokart bried(er)/ ter ande(re) in veerden is Evenverre zij oft/ e(n)nich van hen van dier borchtocht namaels gepraempt/ wordde(n) dat zij dat aen des selfs gheerts goede/ hen gelijc voir dair voir veronderpant verhalen/ souden moghen dormale maes januarii xxi