Item jan pichoze sone wilen jans woenen(de) te belanden(en) in p(rese)ncia/ heeft gehuert teghen gorde de molde(re) van wynge als ma(n)/ en(de) momboir gertruden van breetzijp een huys en(de) hoff/ metten toebehoirte(n) gelegen inde prochie van outheverle/ te lensboirne geheten pragen tusschen den goeden der/ erfgenamen vranx wilen van vaelbeke ende den goeden/ lodewijcx crabbe Item een derdel lants gelijc dat/ gelegen is opt velt aen ts(er)togenpoel tusschen derfgena/ men vors(creven) en(de) den goeden tshe(re)n van croye Te houden en(de)/ te hebben van sint andriesmesse lestleden also langhe/ als de vors(creven) gertruyt leven sal elx jairs om en(de) voir/ drienveertich stuvers en(de) neghen myten ts(int) andries/ messe apostels te betalen oft een maent dair na telken/ termijne ombegrepen op eenen banduyn van thien/ stuvers tons gened(ichs) he(re)n behoeff quolib(et) ass(ecutu)[m] Item/ is vorweerde dat de voirs(creven) jan de voirs(creven) goede houden/ sal wel en(de) loflijc ghelijc een tochtene(r) oft tochtersse/ sculdich is te doen en(de) de goede vors(creven) wynnen en(de)/ werven ghelijc reengenoeten boven en(de) beneden en(de)/ hij en mach aldair noch houwen noch kerven ten/ sij bij consente des vors(creven) gorts de molde(re) Ende/ dese vors(creven) vorweerden en(de) cond(icien) hebben de voirs(creven)/ p(ar)tien malcande(re)n gelooft (et)c(etera) opp(endorp) maes dec(embris) iii