Item jan van kessele sone gorts van kessele in p(rese)ncia heeft/ opembairlijc gekint en(de) ghelijdt dat hij van henricke van maelcote/ sone wilen willems mits gereeden pe(n)ningen die hij vand(en) selve(n)/ henricken ontfangen heeft hee te vollen en(de) al betaelt/ ende gecontenteert is vanden goeden hier na bescreven/ inde prochie van wiltsele geleghen Te weten(e) yerst van/ eenen dachmale lants luttel miyn oft meer gelegen opt/ hoeghvelt tusschen den goeden jans vanden hoevelde en(de)/ jans vand(er) coevort Item van eenen halven boend(er) beemps/ gelegen opde broecstrate tusschen den goeden jans vanden/ hoevelde en(de) jans moens Item van i(½) dachmale beemps/ gelegen dair bij tusschen den goeden lodewijcx roelants en(de)/ jans vand(er) coevort Item ii(½) dachmale lants beemps gelege(n)/ int holsbekerbroeck tusschen den goeden d(er) vruwen vand(er)/ stoct en(de) jans van zantberghe Item van eenen dachmale/ beemps gelegen inden torfpoel tusschen den goeden d(er) vors(creven)/ vruwen vand(er) stoct en(de) gorts wairseghere P(ro)mitt(ens) null(atenus)/ alloqui s(ed) war(andizare) opp(endorp) maes dec(embris) xxiii