Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en)/ saluyt Doen cont en(de) te weten(e) dat op den dach dat(um)/ van desen voir ons come(n) is jan diericx geheten vand(er)/ moinct sone wilen jans en(de) heeft geconstitueert gesedt/ volcomen macht p(ro)curacie en(de) auctoriteit gegeven wille(m)me/ lobbe zijnen neve meester arnde brau geheten vand(er) strate(n)/ janne de beyere clause de beye(re) zijnen sone willem(me) de/ wynne gheheten van schore en(de) henricke van bierbeke/ oft den eenen van hen Alle en(de) yegewelcke zijn saken/ en(de) questien die hij uutstaende heeft oft namaels hebben/ hebben sal mogen tegen wat p(er)sonen dat dat zij voir/ alle gerichten gheestelic en(de) weerlijc alle zijn sculden/ jairgulden opcomingen vervallen chijsen goeden renten/ erfpachten Te verwae(re)n opteboren en(de) tontfanghen/ dair voir te panden te dagen rastemente te doen legge(n)/ die texequeren na costume en(de) gewoenten vand(en) plaetsen/ dair dat behoeven sal mogen den sculders te quit(eren)/ en(de) quit(ancie) te gheve(n) getuygenesse te leid(en) (et)c(etera) en(de) vortaen et/[q(uod) un(us) incep(e)r[(it)]] (et)c(etera) p(ro)mitt(entes) rat(um) salvo iusto calculo febr(uarii) viii