Item mits deser gelooften voirs(creven) sullen de vors(creven) hubrecht/ en(de) bertelmeeus ruyssche zijn brueder ongepraempt zijn/ en(de) bliven tot eeuwegen dagen aen he(re)n augustine vors(creven)/ van verloepen(en) pachten der vijf rijders lijftochten die/ jouffr(ouw) machtelt vanden borchoven wilen hadde ten/ live he(re)n augustijns voirs(creven) en(de) raes vanden borchoven/voirs(creven) zijns neven op huys en(de) hof henricx wilen/ mercx gelegen inde bakeleyne met scepen(en) brieven va(n)/ loven(en) gemaect junii ii anno lii Behoudelic den selven/ henr(icke) augustine zijn recht en(de) actie dair aff op andr(iese)/ van rosmer en(de) zijnen wijve zuster d(er) vors(creven) gebrued(eren)/ Ende mits desen sal [oic] her augustijn ongehouden zijn/ en(de) bliven aenden voirs(creven) hubrechte e(n)nige betalinghe/ te doen van alsulken twee peters eens die de selve/ h(er) augustijn hem sculdich was vand(er) hueringen van/ eenen p(er)de