Item baudewijn van bronsberge hee(r) van roux miroir en(de)/ van bonler en(de) baudewijn van bronsberge de jonge zijn/ sone die bij janne van bourgevail e(m)mer de voirscr(even)/ baudewijn de vader alsnu met rechte als borge roelants/ wilen van bourgevail en(de) bernarts van bourgevael sijns/ soens alhier bescreven is om den selven janne te/ contente(re)n van vii(½) rijd(er)s lijftochten staende ten live des/ voirs(creven) jans jouffr(ouwe) lijsbetten switten sijnd(er) werdynnen/ jouffr(ouwe) lijsbetten en(de) jouffruwe m(ar)grieten hue(re)r beider/ wettiger dochteren Te weten(e) de vier rijd(er)s dair aff/ ten live vanden voirs(creven) janne en(de) jouffr(ouwe) lijsbetten d(er) docht(er)/ lanxst leven(de) lanxst heffen(de) en(de) de voirs(creven) iii(½) rijd(er)s d(air) af ten/ live d(er) vors(creven) jouffr(ouwe) lijsbetten d(er) moed(er) en(de) jouffr(ouwe) m(ar)griete(n)/ lanxstleven(de) lanxstheffen(de) gelijc scepen(en) brieve(n) van lov(en) d(air) af/ gemaect aprilis ix anno lxvii dat inhouden en(de) begrype(n)/ In p(rese)ncia hebben gelooft indivisim dat zij oft e(m)mer/ deen van hen tusschen dit en(de) beloken(en) sinxen(en) naestcomen(de)
//
sullen comen te loven(e) en(de) doen den vors(creven) janne inden name/ als voir alsulken vesticheit van des voirs(creven) steet dat hijs sal/ mogen te vreden zijn oft als dan gaen in e(n)nich vanden vroonte(n)/ te loven(e) zonder cost des voirs(creven) jans en(de) van dair niet scheid(en)/ dach noch nacht De vors(creven) jan van bourgevail en sal dat/ consente(re)n en(de) believen blanckart maes febr(uarii) xix