Allen den ghenen (et)c(etera) doen cont dat opden dach van heden/ voir ons comen sijn margriete en(de) ghertruyt van redinghen/ gesuste(re)n dochteren roelofs wilen van redingen met hue(re)n/ momboirs inden name van hen selven en(de) oic van vrancken/ hue(re)n brued(er) buyten lants zijnde die de selve gesuste(re)n hier/ inne geloven te vervangen en(de) lijstbeth weduwe roelofs/ wilen van redingen brueders als hij leefde der voirs(creven) gesuste(re)n/ met consente en(de) ten bijsijne van janne van oucle nu hue(re)n/ man inden name van roelken van redingen ond(er) sijn dage/ zijnde sone d(er) voirs(creven) lijsbetten dien zij heeft vand(en) voirs(creven)/ wilen roelofve hue(re)n man ende hebben geconstitueert/ gesedt volcomen macht procuracie en(de) auctoriteit gegeve(n)/ anthonise van e(re)nboudeghem hue(re)n zwagher d(er) voirs(creven) kynde(re)n/ van redingen Om te manen teysschen opteboren ende/ tontfangen alsulken v cronen erflic als zij houden(de) zijn/ met scepen(en) brieven van loven(en) op zeke(r) goede wilen/ wouters becx te testelt geleghen die met rechte/ te vervolgen vorderinge opde ond(er)pande met rechte/ te nemen die in handen te nemen te houden te rege(re)n/ te hantplichten te verhue(re)n te v(er)pachten en(de) met jair/ scharen uute te gheven alle ten meesten orbers en(de) p(ro)ffijt/ d(er) selver kynde(re)n Allet des voirs(creven) steet en(de) des dien aen/ cleve(n) mach te wynnen en(de) te verliesen (com)posicie d(air) af/ te maken quitancie te gheven en(de) vortaen generalic/ cete(r)aq(ue) p(ro)mitt(ens) rat(um) salvo iusto calculo martii/ xii