It(em) de vors(creven) lijsbeth jehanne magriete en(de) katlijne smeets gesust(ere)n/ met hue(re)n wettige(n) ma(n)nen en(de) mobore(n) in p(rese)ncia hebben gekint en(de)/ gelijdt dat de vors(creven) henr(ic) vand(en) broecke hue(r) oem hen volcome(n)/ rekeninge bewijs overleve(ri)nge en(de) betalinge gedaen heeft ende allessins/ te vreden gestelt van alsu allen alsulken regimente hante(ri)ngen oft/ gebruycken van hue(re)n goede(n) have en(de) erve wair die geleg(en) sijn/ oft bevonde(n) mochte(n) wordde(n) alse de vors(creven) henr(ic) d(air) af e(n)nichsins/ totte(n) daige toe van heden d(air) af gehadt mach hebben kinnen(de) en(de)/ lijden(de) dat hij dat wael getrouwelic en(de) deughdelic tot hue(re)n/ meeste(n) p(ro)fite gedaen heeft zond(er) hem d(air) inne e(n)nichsins te sueke(n)/ Scelden(de) d(air) o(m)mme den selve(n) hue(re)n oem van allen dien en(de) voort/ van alle(n) ande(re)n saken oft stucke(n) hoedanich die sijn die sij te hemw(er)t/ te segge(n) mochte(n) hebbe(n) totte(n) daige toe van hede(n) volcomel(ic) quite/ P(ro)mitt(entes) null(atenus) alloq(ui) s(ed) war(andizare) cor(am) eisd(em)