Allen den ghenen die dese l(ette)ren sullen sien oft hoi(re)n/ lesen burgermeeste(re)n scepen(en) en(de) raide d(er) stat van lov(en)/ saluyt Doen cont en(de) te weten(e) dat opden dach/ datum van desen voir ons comen en(de) gestaen is in/ prop(er) p(er)sone jouffr(ouw) katlijne kersmakers weduwe
//
wouters wilen vanden tymple en(de) heeft geconstitueert/ gesedt volcomen macht procuracie et auctoriteit gegeve(n)/ gerarde van baussele meest(er) janne lobbe secretarise d(er)/ stat van loven(en) meester arnde brau clause scribaen pete(re)n/ beyardt willem(me) van leefdale henricke van guetrode/ en(de) roelofve vand(er) elst oft den eenen van hen bring(er)/ des briefs alle en(de) yegewelcke hue(r) saken questie(n) en(de)/ gescillen die zij heeft uutstaende oft namaels hebben/ sal mogen tegen wat p(er)sonen dat dat zij het zij/ int gheestelike oft weerlike gerichten alle hue(r)/ jairgulde opcomi(n)gen vervallen sculden renten ende/ erfpachten die zij heeft en(de) men hair sculdich is/ inden lande van brabant [Te manen teysschen (et)c(etera)] dair voir te panden/ te dagen rastemente(n) te doen legghen die met rechte/ te vorde(re)n en(de) texeque(re)n ten eynde uut getuygen te/ leiden d(er) wederp(ar)tien getuygen te sien sweren die te/ batteren also dicwille en(de) menich werven als des te doen/ sal zijn en(de) vortaen generalic en(de) specialijc allet ghene/ dair inne te doen en(de) te vorde(re)n des de vors(creven) jouffr(ouw)/ ka(tlij)[ne] selve soude mogen doen telcker tijt oft zij in p(er)sone/ tegenwordich en(de) voir ogen wae(re) p(ro)mitten(tes) ratu(m) En(de)/ wes deen innegesteken oft begonnen sal hebben dat/ dat dand(er) van hen sal mogen eynden salvo iusto/ calculo novembris xx