It(em) jan vanden borchove(n) in p(rese)ncia heeft gekint ende gekint dat / alle alsulken vruchten als opden dach van heden liggen ende/ van desen jae(r) innegedaen zijn in zijn hof geheeten v(er)lore(n)cost/ inde prochie van cortbeke ov(er)loe vanden onderpande(n) jouffr(ouwe)/ lijsbette(n) wed(uwe) wout(er)s wijle(n) pynnocx van alsulke(n) renten/ van xxv rijders tsjaers als de selve jouffr(ouwe) aen de voirs(creven)/ goede met scepen(en) brieve(n) van loven(en) heffen(de) is d(aer)af zij in/ gebreke es vanden termijne verent v(er)schene(n) omtrint xx r(ijnsche)/ r(ijnsche) guld(en) ter goeder rekeni(n)g(en) Overgeven(de) willecoiren(de) ende/ consenteren(de) dat de selve jouffr(ouwe) ende hue(r) p(ro)cur(eur)s aende selve/ vruchte(n) neme(n) en(de) trecken sele(n) tvoirs(creven) rest ende d(aer)toe de/ jair rente voirs(creven) nu vallende oft nuwelinge gevalle(n) tott(er) / volre betalingen der selver ende soe v(er)re de selve vruchte(n)
//
ten hoochsten bracht zijnde strecken sonder dat der selver jouffr(ouwe)/ oft den hue(re)n aen de selve vruchte(n) bijden voirs(creven) janne rase/ zijne(n) sone oft yema(n)t anders van hue(re)n wegen desen navolgen(de)/ e(n)nich hinder sal worden gedaen oft hant d(aer)aen geslage(n) in alle/ d(er) manie(re)n oft de selve goede en(de) vruchten der voirs(creven) wed(uwe) voir/ tgebreck van hue(re)n rente(n) voirs(creven) gevalle(n) nader stadt recht gelev(er)t/ wa(r)e geloven(de) van des(er) kynnessen warant te zijne Behalve(n) datme(n)/ gehoude(n) sal zijn de(n) voirco(m)mer altijt te betale(n) Ende de goede in/ behoirlijcker plaetse(n) rep(ar)acien te houden Ende dat de voirscr(even)/ jan vanden borchove(n) hebben sal ter stont een half mudde gherste(n)/ ende een half mudde . erwete(n) eens cor(am) roelants cav(er)chon sept(embris)/ xvi