Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(en) saluyt/ doen cont en(de) te weten(e) dat opden dach datum van desen/ voir ons comen is margriete weduwe jans wilen bloemart
//
met eenen geleverden momboir hair in desen v(er)leent en(de)/ heeft geconstitueert gesedt volcomen macht procuracie en(de)/ auctoriteit gegeven vrancken van homborch cleermake(r) om/ te verantweerden te bescudden te bedingen en(de) te vervolghen alle/ alsulken saken als zij uutstaen(de) heeft uut saken tegen laureyse de decke(re)/ te berthem oft elswair die te wynnen en(de) te v(er)liesen/ composicie d(aer)af te maken getuygen te leiden d(er) wed(er)p(ar)tien/ getuygen te sien zweren die te batteren also wel int princi/ pael als int accessoir te quite(re)n en(de) volcomen quitancie te/ gheven Ende vortaen generalic (et)c(etera) P(ro)mitt(ens) ratu(m) salvo/ iusto calculo oct(obris) xiii