It(em) al eest dat van desen ii leste(n) p(or)ceele(n) van goede(n) bij ja(n)ne vlemi(n)x/ en(de) wijle(n) ka(tli)[ne(n)] vand(er) brugge(n) sijne(n) wive met (con)sente vand(en) tocht(er)sse(n) v(er)cocht/ zijnde de kinde(re) vand(er) brugge(n) met hue(re)n mo(m)boe(re)n die voirs(creven) kinnesse va(n)/ deilinge(n) hebbe(n) gedaen en(de) gelooft d(air)af genoech te doene (et)c(etera) Soe en zele(n) zij/ nochta(n) d(air) om van dien goede(n) de(n) selve(n) kinde(re)n vlemi(n)x niet sculdich zijn/ inne te staene noch de(n) selve(n) kinde(re)n dat te voldoene gem(er)ct dat dat gelic/ voe(r) bij hue(re)n ouders es v(er)cocht en(de) dat sij die pe(n)inge d(air) af hebbe(n) getog(en)/ Ende sijn de selve v(er)cochte p(or)ceele(n) h(ier)inne ter deiling(en) bracht om dat/ de coep(ere)n en(de) v(er)coep(ere)n van dien v(er)waert soude(n) sijn en(de) v(er)sekert voer de(n)/ toecomen(de) tijt dat de selve kinde(re) vand(er) brugge(n) noch huer erfgename(n)/ d(air)op naemaels niet spreke(n) noch huer recht sueke(n) en soude(n) mits dat d(air)af/ gheen behoirlic v(er)tiden voir desen tijt en es gesciet eisd(em)