Item vander questien die geweest is voir den raide vand(er)/ stat tusschen janne vanden berghe eyssche(r) ter eend(er) ende/ henricke witteman natuerlic briedere verweerde(r) t(er) ande(re)/ alst van zeke(re) costen die de vors(creven) jan yesch vand(en) vors(creven) henricke/ van zeke(re)n gedinge(n) die tande(re)n tijden geweest zijn tussche(n)/ den voirs(creven) p(ar)tien dair af dat hij noch ombetaelt was beg(erende)/ dair om richtinge en(de) betalinge vand(en) vors(creven) henr(icke) te hebben/ dair op de voirs(creven) henric seide dat de selve jan en(de) hij and(er)/ wilen des leden mocht zijn vier jair oft dair omtrint/ in gedinge gehangen heeft hadde(n) onderlingen en(de) dat/ hij de costen insgelix van hem doen eysste dair af dat/ va(n) de(n) selve(n) costen te dier tijt verleken wae(re)n en(de) gerecom/ penseert hopen(de) dair om van dien te bliven ongemoeyt/ Was get(er)mijneert dat de vors(creven) jan verdoolt wae(re) aend(en)/ vors(creven) henricke vanden voirs(creven) eyssche Act(um) in pleno (con)silio/ decembris ii