Vander gedinghe opverstaen voir meye(r) ende scepen(en) van loven(e)/ tusschen janne vanden dale als momboir katlijne(n) coppens zijns/ wijfs ende goirde coppens swagher desselfs jans van cortbeke/ in deen zijde en(de) janne vander hofstadt in dande(re) Aldaer de voirs(creven)/ geswag(er)s als naeste oire en(de) erfgename(n) hen vermeten(de) va(n) marie(n)/ wile(n) coppens die onlanx gestorve(n) es en(de) wonachtich was tege(n)/ dbeghijnhof van loven(e) den selve(n) janne vand(er) hofstadt ae(n)spr(ak)/ seggen(de) dat hij voe(r) de doot ende dair nae ende oick in huer(en)/ siecten in tsterfhuys der selver marie(n) gewandelt hadde en(de)/ mocht daer hebben aenveert alderhande haeflike goede/ te wetene bedden potten panne(n) brieve en(de) and(er)s die de/ voirs(creven) geswage(re)n versochten vanden selven janne vand(er)/ hofstat weder gebracht te hebben int sterfhuys ende/ tot zijnder eedt en(de) totten rechte dair tegen de selve/ jan vand(er) hofstad hem verantweerde seide dat hij gheen/ goede inden selven sterfhuyse aenvert en hadde noch/ gheene gehadt dan overlanck die ghene die hem in/ huwelike ware(n) gegeve(n) gelooft en(de) seyde dat de selve/ marie seke(re) testamente(n) oick gemaect hadde en(de) legate/ die voldae(n) moeste(n) wezen met meer reden(en) bij hem gesegt/ Wert gewijst ten uuyt(er)sten bijden he(re)n scepen(en) van loven(e) ter manisse(n)
//
smeyers dat de voirs(creven) jan vander hofstat de ghereede/ goede bringhen sal nae recht ten sterfhuys ende/ totte(n) rechte en(de) dairentenden recht cor(am) om(n)ib(us) scab(inis)/ in scampno decembr(is) v[ta]