SAL7366, Akte: V°20.2 (40 van 597)
Akte V°20.2
Act
Datum: 1472-07-17
Transcriptie
2018-09-30 door Claire DejaegerNa dien dat meester jan lobbe sec(re)tar(is) der stad van loeven(en)/
die als mo(m)boir jouffr(ouwe) dorotheen hertshals zijns wijfs/
houdende ende besittende is met scepen(en) brieve(n) van loeven(en)/
xv crone(n) lichts gewichts erflik(er) rente(n) vallende jaerlijcx seve(n)/
dage in februario aen ende op div(er)se goede erfrenten ende/
erfpachten wilen jans lonijs na(tur)lix sone meester jans/
wilen lonijs canoncx van luydic na inhouden d(er) brieve d(aer)/
af zijnde hem metter stat brieve gescreve(n) aenden meye(r) va(n) hev(er)le/
oft zijnen stathouder te berthem hadde doen leve(re)n alle de selve goede en(de)/
dagh van rechte doen bescheiden op heden als ten v(er)streken(en) dage va(n) rechte/
he(re)n robberde en(de) janne lonijs gebruede(re)n en(de) hue(r) wynne(n) oft ande(re) die/
de hande(n) dair aen hadden opdat zij d(aer) tegen hadden willen allige(re)n/
Gelijc al dit blijct bij rescripte vanden voirs(creven) officier die tselve exploet/
heeft gedaen Ende de voirs(creven) meester jan ter eend(er) zijde(n) en(de) de vors(creven)/
ii gebruede(re)n ter ande(re) op heden int recht comen zijnde inde banc/
voir meye(r) en(de) scepen(en) Soe hebben aldair opembairlic de selve/
gebruede(re)n overgegeven en(de) geconsenteert de vors(creven) leveringhe/
van weerden en(de) dat de selve meest(er) jan inde selve geleverde/
onderpande zijn en(de) bliven sal gelijc oft hem die met vonnisse/
aengewesen wae(re)n om dair aen zijn gebreke nader stat recht/
te verhalen cor(am) scabinis in scampno julii xvii
Nagekeken door: Greet Stevens
Moderator: Greet Stevens
Laatste update:: 2016-07-27 door Xavier Delacourt