Allen den ghenen die dese l(etter)en sullen zien oft horen/ lesen burgermeest(er)en scep(enen) en(de) raide der stat van loven(en)/ saluyt doen cont en(de) te weten dat opden dach dat(um)/ van desen voir ons come(n) is in prop(ere) p(er)sone jossar de/ haller sone he(re)n willems wilen van haller ridders woenen(de)/ te haller le grant en(de) heeft geconstitueert gesedt volcome(n)/ macht procuracie en(de) auctoriteit gegeven he(re)n librechte/ van haller ridder he(re)n janne bernamont prieste(r) ancealle/ le begge meester arnde beau aberde de mont janne/ le polits sone wilen collarts clause de beye(re) janne stevens/ janne van udekem willem(me) van haesdonc willem(me) van/ leefdale en(de) massarde van haller sone wilen hellinial va(n)/ haller oft den eene(n) van hen Alle en(de) yegewelcke/ sijn saken questien en(de) gescillen die hij uutstaen(de) heeft oft/ namaels hebben sal mogen voir wat gerichte gheestelic/ oft weerlijc dat zij En(de) vortaen alle en(de) gew yegewelke/ sijn jairgulde sculden opcomingen profiten vervallen goede/ beruerlic en(de) omberuerlic chijsen renten erfpachten en(de) allen/ ande(re)n toebehoirten die de selve jossart heeft en(de) men hem/ sculdich is oft namaels sculdich sal wesen inden lande van/ brabant oft dair buyten tegen oft aen wat p(er)sonen dat zij/ Te verwaren te vervolgen te vorde(re)n te manen teysschen/ op te boe(re)n en(de) tontfangen dair voir te panden te daghen/ rasteme(n)te(n) te doen legghen die met rechte texequeren/ Alle scepen(en) brieve(n) te vo(n)nissen en(de) voirdernesse dair af te/ nemen al na costume en(de) gewoenten vand(er) plaetsen dair/ dat te doen sal zijn En(de) ofs noet geboirde voir alle gerichte(n)/ gheestelic en(de) weerlic met rechte sijn saken te conteste(re)n te/ decline(re)n texcipie(re)n en(de) te reco(n)venie(re)n te replice(re)n te duplice(re)n/ also dicwille en(de) menichwerven als des behoeve(n) sal also wale/ int principael als int accessoir getuygen te leiden der
//
weder p(ar)tien getuygen te sien sweren die te batte(re)n alsoe/ menich werven als des behoeven sal En(de) vortaen/ generalic (et)c(etera) Promitt(ens) rat(um) salvo iusto calculo/ sept(embris) vii