It(em) uuyt dien dat her jan vanden broecke p(rie)ste(r) opden dach van hede(n)/ inden rechte voir meye(r) ende scepen(en) heeft doen voirt eysschen ja(n)ne/ stevens wonen(de) te meldert bij hafflighem bieden(de) te bewijsene met/ vorste(r) en(de) poirt(er)s dat hijten beclaecht hadde en(de) dach van rechte/ op heden doen beteken(en) voir de so(m)me van sessehondert r(ijnsche) g(ulden) eysschen(de)/ d(aer)voe(r) den selve(n) te hebben v(er)reyct Ende de voirs(creven) jan stevens voir/ oghen niet comen en is Daer marck crauwels als vorste(r) pet(er) de/ raet ende gielijs rogge als poirt(er)s op heden int gherichte bij eede/ gecleert ende getuycht hebben dat de voirs(creven) h(er) jan den voirscr(even)/ janne voir hen voe(r) de so(m)me voirs(creven) beclaechde en(de) dat hem/ op heden wart dach gedaen Ende dat meer es dat de selve/ jan voir hen zwoer ten heylige(n) tsijne(n) dage te come(n) Soe/ hevet tvon(n)nisse der scepen(en) van loeven(en) ter manissen smeyers/ gewesen dat de voirs(creven) her jan den voirs(creven) janne stevens voe(r) de/ voirs(creven) so(m)me verreyct soude hebben p(rese)ntib(us) om(n)ib(us) scabinis in/ scampno dempt(o) pynnock septembr(is) xii