Van alsulke(n) questien en(de) gescille(n) alse uuytstaen moege(n) tusschen/ he(re)n janne van beringe(n) canonick tsinte pet(er)s te loven(e) ter eender/ zijden ende arnde vander berct ter ande(re) Om der erfgoede wille/ jans wijle(n) de roeve(re) te nederijssche gelegen metten toebehoirte(n)/ dair op elc hue(re)r is seke(re) lijfrinten te weten(e) de voirs(creven) her/ jan van zijnsselfs wege(n) x rijders en(de) noch van wegen her/ raes de rijcke viii mudden corens tsjaers en(de) de voirs(creven) arndt/ vi r(ijns) guld(en) tsjaers welke goede de selve her jan eenen/ seke(re)n tijt voir gebreck van betalinge(n) der voirs(creven) zijnre renten/ in handen heeft gehadt Ende des allen dien aencleeft/ hebben hen de selve p(ar)tien gesubmitteert in segg(er)s ende/ vriendelijcke yffeners Te weten(e) in arnoldo kyp en(de) gerardo/ van baussele secretar(is) in sulker vuege(n) dat de selve segg(er)s/ informacie vanden selve(n) p(ar)tien gescille(n) en(de) besceyde hebben(de)/ huer uuytsprake [d(air)af] doe(n) sullen op dat zijs eens zijn bynnen thien/ daige(n) naestcomen(de) Promitt(entes) rat(um) cor(am) opp(endorp) cav(er)chon oct(obris) xvi