Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide der stat van loven(e) saluyt/ doen cont en(de) te weten(e) dat opden dach datum van desen voir/ ons comen is in prop(er) p(er)sone anceal le begge woenen(de)/ te loven(e) en(de) heeft geconstitueert gesedt volcomen macht/ procuracie en(de) auctoriteit gegeven [he(re)n henricke le begge priester] meester arnde brau/ en(de) diericke le begge janne de beye(re) gielise vanden/ eynde en(de) henricke vand(er) hoeven oft den eenen van/ hen Alle en(de) yegewelcke zijn zaken questien en(de) gescillen/ als hij uutstaen(de) heeft oft namaels uutstaen(de) sal hebben tege(n)/ wat p(er)sone dat dat zij voir alle gerichten gheestelic ende/ weerlijc te verwaren te vervolghen te bedingen Alle/ zijn jairgulde opcomingen v(er)vallen chijsen renten erfpachte(n)/ en(de) sculden te manen teysschen op te boren en(de) tontfangen/ dair voir te panden te daghen rastemente te doen legge(n)/ die met rechte texequeren ghetuygen ofs behoeft te/ leiden d(er) wederp(ar)tien getuygen te sien zweren die te / batteren also dicwille en(de) menichwerven als des te doen
//
sal zijn Te replice(re)n te duplic(er)en also wale int principael/ als int accessoir also menichwerven als des behoeven sal/ den sculders te quite(re)n en(de) volcomen quitancie te gheven/ Ende vortaen generalic en(de) specialic (et)c(etera) Promitt(ens) ratum salvo / iusto calculo octobris xxii