Sijn bleven en(de) gevallen den voirs(creven) janne blocscoen ende/ paeschinen zijnen wive in huer deylinge die goede chijse en(de)/ erfpachten hier nae bescrev(en) Inden yersten tvierdel vand(en)/ voirs(creven) geheele(n) hove met huyse(n) hove(n) schue(re)n stalle(n) bogarde/ en(de) den toebehoorte(n) geheete(n) thof te maerselle met oic den/ vierde(n) gedeelte van omtri(n)t xxvii boender lands en(de) van drie/ dach(mael) soe beemts soe boschs en(de) den toebehoirte(n) totte(n) voirs(creven)/ hove behoiren(de) gelegen inde p(ro)chie van nyel saint martin in/ diversen plaetsen en(de) stucken aldair Item tvierdel van eene(n)/ beemde gelijc dien int geheel gelegen es te wave(re) achter/ de woeni(n)ge claes vand(er) bruggen oems der voirs(creven) kinde(re)n/ tusschen des vors(creven) claes en(de) anthonijs robbijns/ Item sijn noch den voirs(creven) gehuysscen bleven in hue(r) deylinghe/ die goede hier nae becreven gelegen te voshem Te weten/ inden yerste(n) een boender lants gelegen aldair op tkerchofvelt/ d(air)men gaet te nuwevoirde weert tussce(n) de goede sanders/ machiels ter eenre sijden en(de) jans vand(en) dale ter ande(re) It(em)/ een dach(mael) lants geleg(en) aldair opt selve velt tussce(n) de goede/ jans vlemi(n)cx ter eenre sijden en(de) claes vand(er) bruggen ter/ ande(re) It(em) ond(er)half dach(mael) lants geleg(en) ald(air) opt selve velt/ tussce(n) de goede des voirs(creven) willems vand(er) pont ter eenre/ zijde(n) en(de) claes vand(er) bruggen(n) sijns brued(er)s ter ande(re) Item/ onderhalf dach(mael) lants geleg(en) opt selve velt tussce(n) de goede/ jans vlemi(n)cx ter eenre zijde(n) en(de) claes vand(er) brugghen/ ter ande(re) It(em) (½) boend(er) lants geleg(en) opt ynde velt tussce(n)/ de goede odilien loenijs ter eenre en(de) jans vand(en) dale/ t(er) ande(r) zijde(n) It(em) (½) boend(er) lants geleg(en) opt cleyn ynde velt/ tussc(en) de goede claes vand(er) bruggen ter eenre en(de) jacops/ vand(en) veken(e) ter ande(r) zijde(n) It(em) (½) boend(er) lants geleg(en) opde(n)/ wynckel tussce(n) de goede jan coremans ter eenre en(de) die/ h(er)strate gaen(de) te loeven(e) weert ter ande(re) It(em) een dach(mael)/ lants geleg(en) opt selve velt tussce(n) de goede des voirs(creven)/ claes vand(er) brugge(n) in beide(n) zijde(n) It(em) v vierdel lants/ geleg(en) opt velt geheete(n) grote(n) dal tussce(n) de goede jans
//
vand(en) dale ter eenre en(de) willems vand(er) brugge(n) ter ande(re)/ Item v vierdel lants gelegen opt selve velt tussce(n) de goede/ willems vand(er) brugge(n) en(de) jacobs vande(n) veken(e) It(em) drie vierdel/ lants geleg(en) aldair opt vors(creven) velt geheete(n) den grote(n) ham/int(er) tussce(n) de goede claes vand(er) brugge(n) en(de) jacobs vand(en) veken(e)/ It(em) (½) dach(mael) lants geleg(en) opt selve velt tussce(n) de goede claes/ vand(er) brugge(n) en(de) jacobs vand(en) vekene It(em) drie vierdel lants/ geleg(en) opde(n) grote(n) ham tussce(n) de goede des heylichs gheest va(n)/ voshe(m) ter eenre en(de) claes vand(er) bruggen ter ande(re) It(em) drie/ vierdel lants geleg(en) op dleefdaelvelt tussce(n) de goede jans/ vlemi(n)c en(de) claes vand(er) brugge(n) Item een dach(mael) lants gelegen/ opt selve velt strecken(de) tot aende(n) voetpat gaen(de) te loeven(e) w(er)t/ tussce(n) de goede jans vlemi(n)cx en(de) peters pypenboys It(em) een/ dach(mael) lants geleg(en) opt selve velt aende y(m)menhaghe tussce(n)/ de goede claes vand(er) brugge(n) ter eenre en(de) jans van leeuwe/ ter ande(r) zijde(n) It(em) een dach(mael) lants geleg(en) op [tvelt geheete(n)] sa(m)mansdelle/ tussce(n) de goede jans vlemi(n)cx en(de) willems vand(er) bruggen/ Item drie vierdel heyden geleg(en) opt selve velt tusscen/ de goede jans vlemi(n)c ter eenre sijden en(de) de goede daneels/ stroebants ter ande(re) It(em) drie vierdel lants geleg(en) opt/ plyntvelt tussce(n) de goede jans vand(en) dale en(de) willems/ vand(er) brugge(n) It(em) (½) boender lants geleg(en) opt galghevelt/ oft tscoelmeestersberch tussce(n) der capelrien goede van/ voshe(m) en(de) de goede der erfgename(n) jans van coudenberghe/ It(em) drie dach(mael) lands opt selve velt tussce(n) de goede wille(m)s/ vand(er) brugge(n) en(de) claes vand(er) brugge(n) It(em) een dach(mael) lants/ geleg(en) opt selve velt tussce(n) de goede sheilichs gheest vand(en)/ vue(re)n ter eenre en(de) der erfgenamen jans van coudenberge/ ter ande(re) Item v vierdel lants geleg(en) op tpeesschele(re)nvelt/ tussce(n) de goede willems vand(er) bruggen ter eenre en(de) joes/ absoloens ter ande(re) Item v vierdel lants geleg(en) aldair opde(n)/ cleyne(n) ham tussce(n) de goede willems vand(er) bruggen ende/ jans van beert It(em) een dach(mael) lants geleg(en) opt selve velt/ tussce(n) de goede claes vand(er) bruggen ter eenre en(d) baudewijns
//
van hondsberghe ter ande(r) zijden Item drie vierdel lants/ gelegen aldair opt selve velt in twee stucke(n) d(ai)r af deen/ houden(de) i(½) vierdel es geleg(en) tussce(n) de goede claes vander/ brugge(n) en(de) jans van beert Dander houden(de) oic onderhalf/ vierdel es geleg(en) tussce(n) de goede des voirs(creven) claes vander/ bruggen en(de) den voetpat gaen(de) van voshe(m) te loeven(e) w(er)t/ It(em) (½) dach(mael) lants geleg(en) opt selve velt achter dbloc/ ten oude(n) voirde tussce(n) de goide wille(m)s vand(er) bruggen/ ter eenre en(de) tselve bloc ter ande(r) zijde(n) It(em) een dachmael/ lants geleg(en) op tgroot yndevelt tussce(n) de goede des goidsh(uys)/ van [he(re)n] p(er)cke ter eenre en(de) jacobs vand(en) vekene ter ande(r) zijden/ It(em) (½) boender lants geleg(en) opt boschvelt tussce(n) de goede der/ erfgename(n) jans van coudenberge en(de) des goidshuys van/ he(re)n p(er)cke ter ande(re) It(em) v vierdel lants geleg(en) int groot/ bloc tussce(n) de goede claes vand(er) brugge(n) en(de) wout(er)s de becke(re)/ It(em) een stuc bosch geheete(n) den lylienberch alsoet gelegen/ es te voshe(m) tussce(n) de goede willems danijs en(de) der ap(oste)len/ ter bruessel It(em) drie stallen metter porte(n) ald(air) en(de) de drie/ vierdel vand(en) mesthove met hue(re)n toebehoirte(n) geleg(en) te/ voshe(m) neve(n) den pleyn beginnen(de) dese goede van aen/ de schue(r) aldair en(de) alsoe voirt gaen(de) totte(n) streetken ald(air)/ soe v(er)re tselve streetke(n) inder lingden strect bove(n) en(de) benede(n)/ metten vie(re)ndeele vand(en) bogarde ald(air) Welc vie(re)ndeel/ geleg(en) es naest en(de) geleghelijcst desen goede(n) vors(creven) gelijc/ die goede aldair verscheiden sijn tussce(n) de weder gedeelte(n)/ willems vand(er) brugge(n) ter eenre en(de) tvoirs(creven) straetken ter/ ande(r) zijde(n) Op sulke(n) (con)dicie dat willem ende claes vand(er)/ brugge(n) tot eeuwig(en) dage(n) sulle(n) hebbe(n) hue(re)n uutganc/ inganc gaen en(de) kee(re)n met wagen(en) peerde(n) en(de) and(er)s in en(de)/ uut hue(re)r schue(re)n ald(ai)r neve(n) geleg(en) over de goede ende/ doer de porte voirs(creven) te(n) naeste(n) weghe en(de) ter mynster/ schaden It(em) noch de helicht van eenen stucke beemts/ houden(de) int geheel (½) boender oft dair omtri(n)t geheeten
//
den colvenrode soe dien int geheel gelegen es tussce(n) de goede/ bauduins va(n) hondsberge en(de) der ap(oste)len van bruessel Te weten/ die helicht die geleg(en) es naest den goeden der vors(creven) ap(oste)len/ d(air) af claese vand(er) brugge(n) dander helicht in deilingen/ bleve(n) es It(em) een dach(mael) beemts geleg(en) te nederijssche tussce(n) naest/de goede [i dach(mael) beemps] claes vand(er) brugge(n) ter eenre die met malcande(re)n/[jairl(ix) verspringen liggen(de) beide de dach(mael) tussche(n) de goede jans wilen van coudenberghe en(de) de goede jans van wynghe]/ It(em) eene(n) halve(n) florensche(n) guld(en) en(de) x pl(a)ck(en) pay(ments) erflic van/ dien twee florensce(n) guld(en) erflic aen en(de) op thof en(de) de/ goede der erfgename(n) jans van coudenberge geheete(n)/ van oude(n)voirde mette(n) toebehoorte(n) geleg(en) te voshe(m) in/ diversen plaetsen en(de) stucke(n) aldair It(em) tvierde gedeelte/ van xxii mudde(n) rogs goets en(de) payabels mate(n) en(de) pacht/ van wave(re) erfspachts alle jae(re) sint andriesmisse apostels/ te betale(n) Aen en(de) op seke(re) goede en(de) pande diverse(n) p(er)sone(n)/ toebehoire(n)de te nyel saint m(ar)tin en(de) d(air) omtri(n)t geleg(en) in/ diverse(n) stucke(n) en(de) plaetsen ald(air) Op alle trecht ende/ den last hier nae bescrev(en) dair voe(r) uutgaen(de) Te weten(e)/ vii st(uvers) xv mit(en) (½) mudde en(de) i(½) mol(evaten) even(en) onsen gened(igen) hee(re)/ It(em) vii st(uvers) xv mit(en) x mol(evaten) even(en) den huyse vand(en) ap(oste)len/ te bruessele It(em) i(½) mol(evaten) even(en) en(de) xv mit(en) den honden/ van boutsvoirt It(em) vii(½) st(uvers) iii mit(en) de(n) jonche(re) va(n) merode/ It(em) v st(uvers) den godsh(uyse) van he(re)n p(er)cke It(em) v(½) st(uvers) en(de) xv mit(en)/ joese absoloens It(em) eene(n) pot wijns en(de) een mol(evat) rogs/ der kercke(n) van voshe(m) It(em) drie mol(evaten) rogs den p(ro)chiaen/ en(de) (½) mol(evat) rogs den coste(r) ald(air) It(em) xlv pl(a)ck(en) s(in)te remeysbede(n)/ It(em) twee pet(er)s den erfgename(n) jans boschverckens It(em)/ xvi(½) gr(oten) tvierdel van eene(n) grote pay(ments) tvierdel va(n) eene(n)/ brode en(de) drie mol(evaten) even(en) te jauche Ite(m) v pl(a)ck(en) vi mit(en)/ een broot een halster en(de) (½) mol(evat) even(en) (½) cap(uyn) iiii(½) pl(a)c(ken) te/ nyel le piereuz Item v gr(oten) brab(ants) der v(ro)uwe(n) va(n) so(m)breffe/ It(em) een pl(a)c te waelham It(em) xviii mit(en) te torbaix saint/ piere It(em) v gr(oten) te berry It(em) iiii mit(en) m(ijn) vrouwe(n) van
//
nyvele It(em) (½) mudde rogs mate(n) van wave(re) m(ijn) vrouwe(n)/ van euwirez Ende noch op tvierdel van eene(n) mudde/ rogs mate(n) voirs(creven) den armen van nyel saint martin vors(creven)/ al erfchijs en(de) pacht te behoirliken tiden te betalen/ Ende voirtane op seven en(de) een half mudde(n) rogs goet/ en(de) payabel mate(n) en(de) pacht van wave(re) alle jae(re) sint/ andriesmisse apostels en(de) ombegrepe(n) tonser liever v(ro)uwe(n)/ daige liechtmisse v(er)volgen(de) te betale(n) en(de) te nyel saint/ martin ten huyse der voirs(creven) katlijne(n) de maersselle der/ moed(er) te leve(re)n der selver katlijne(n) alsoe lange als zij/ leve(n) sal en(de) niet lang(er) Hanc quoq(ue) Et sat(isfacere) prout eisd(em)