It(em) wa(n)t willem va(n) leefdale als p(ro)cur(eur) der weduwe(n) henr(ix) wilen/ boelarts na de(n) rechte d(er) stad van loeven(e) geleit zijnde tot alle(n) de(n)/ goede(n) have en(de) erve s(er)vaes wile(n) de cuyp(er)e voir wettich gebreck/ op de(n) dach va(n) hede(n) hadde doen bescrive(n) aende(n) meye(r) va(n) neder/ lyntre de wettige kijnde(re) des voirs(creven) wile(n) s(er)vaes die de selve goe(de)/ houde(n) en(de) hantplichten sonder he(m) te willen conte(n)tere(n) en(de) v(er)nuege(n)/ vande(n) gebreke(n) voirs(creven) Tot welke(n) dage de selve kijnde(re) noch/ andere gecome(n) noch gecomp(ar)eert en zijn Soe eist dat de he(re)n/ scepen(en) van loeven(e) ter manisse(n) smeyers aengesien en(de) gevise(n)t(eer)t/ tresc(ri)pt vande(n) voirs(creven) meye(r) dat dexecucie behoirlijc gesciet is/ gewijst hebbe(n) voir een vo(n)nisse datme(n) de(n) voirs(creven) willem/ vanden voirs(creven) goeden houden sal inde macht van zijnen/ voirs(creven) beleyde soe v(er)re dat noch voir hen come(n) is cor(am) o(mn)ib(us)/ scabinis de(m)pto pynnoc no(vem)[b(ris)] x