Vande(n) gedinge dat voir meye(r) en(de) scepen(en) van loven(en) geweest es/ tussche(n) daneele vand(en) maelcote geheete(n) de draye(re) in deen zijde/ en(de) jan dierix van tielt die van in oct(ober) lestled(en) bij ja(n)ne vand(er)/ rest den jonge(n) als ghel(eit) totte(n) alle(n) de(n) goede(n) jans cottens va(n) tielt/ voir tvoldoen va(n) eene(n) rijde(r)n lijfpen(sien) mette(n) acht(er)stelle en(de) cost en(de) co(m)me(r)/ gegoet en(de) gheerft is voir meye(r) en(de) scepen(en) va(n) loven(en) in seke(re) goede(n)/ desselfs jans cottens in dande(re) Welke goede de voirs(creven) daneel seyde/ dat he(m) in huwelijcke vorweerde(n) met lijsbeth docht(er) des voirs(creven) jans/ cottens gegeve(n) ware(n) die hij d(air)nae tot noch te wete(n) een elsbosch/ gelege(n) te tielt neve(n) den ruiterbosch ende een huys en(de) hof ald(air) geleg(en)/ tussche(n) she(re)n strate en(de) h(er) jans va(n) optielt mette(n) selve(n) zijne(n) wive/ gebruyct en(de) besete(n) hadde als zijn proper goet hopen(de) oft hij dat/ gethoene(n) conde dat hem de selve goide blive(n) soude(n) en(de) dat de voirscr(even)/ jan dierix d(air)aen v(er)doolt wae(re) want die ghifte he(m) wae(re) gedae(n) voe(r)/ dbeleyt des voirs(creven) jan vander rest met meer pointe(n) bij hem geallig(er)t/ D(air)op de voirs(creven) jan dierix he(m) v(er)antweerden(de) hoepte dat he(m) ende zij(n)re/ guedinge(n) de voirs(creven) goede volge(n) soude(n) die hue(r) kercgebode hadden/ bij div(er)sen reden(en) die hij allig(er)de en(de) zond(er)linge dat de voirs(creven) jan cotte(n)s
//
de voirs(creven) schout ghemaect hadde eer tvoirs(creven) huwelijck toeginck en(de)/ dat inden selve(n) huwelijck getracteert was en(de) gecondicioneert dat/ de voirs(creven) jan cottens zijnder docht(er) mette(n) voirs(creven) daneele de voirs(creven) goide/ in huwelike ov(er)gaf inder condicie(n) en(de) op de vueghe dat hij dair aff/ betale(n) soude alle de wettige sculde(n) die de selve jan cottens sculdich/ wae(re) en(de) dat d(air)op den huwelijck toeghinck van welke(n) twee/ pointe(n) en(de) dat de voirs(creven) goide met kercgebode v(er)cocht ware(n) de/ voirs(creven) jan dierix zijns v(er)mets volqua(m) Alsoe dat nae ae(n)sprake/ v(er)antweerde(n) thonisse in beyde(n) zijde(n) geleyt zijnde en(de) allegacie(n) gedae(n)/ de scepen(en) ghemaent werde(n) die huer beraet name(n) totte(n) naeste(n)/ dingdage ende alst qua(m) ten naeste(n) dage eer tvo(n)nis gemae(n)t was/ p(re)sent(er)de de voirs(creven) jan dierix oppe(n)baer int recht zijnd(er) wed(er)p(ar)tien/ soe v(er)re men hem oplegge(n) woude tprincipael d(er) voirs(creven) lijfpen(sien) met/ v(er)lopen(en) pachte en(de) coste en(de) co(m)me(r) va(n) rechte hij woude den/ voirs(creven) daneele en(de) zijne(n) wive d(air)op de goide ov(er)geve(n) de welke/ p(rese)ntacie de voirs(creven) daneel niet aen en nam Ende alsoe werde(n) de/ scepen(en) va(n) loven(en) gemaent die wijsden nae aensprake v(er)antw(er)d(en)/ van beyde(n) p(ar)tien dat den voirs(creven) janne dierix en(de) zijnder gueding(en)/ de goede voirs(creven) volge(n) soude(n) opde p(rese)ntacie desselfs jans In/ scampno cor(am) om(n)ib(us) scab(inis) dempt(is) lyemi(n)g(en) roelofs no(vem)[br(is)] xxvi