Vanden gescille dat geweest is ende gehangen heeft inde/ banck voe(r) meye(r) ende scepen(en) van loeven(en) tusschen matheeuse/ colcx als aenlegge(r) in deen zijde ende willem(me) pierart als/ procur(eur) g(er)trud(en) van langrode wed(uwe) jans wilen zedele(re) zijnd(er)/ swege(r) verweresse in dande(re) om seke(re) betalinge van so(m)men/ van pe(n)ningen die voirmaels de voirs(creven) matheeus zijn [wijf] oft/ plissis van vorst hue(r) voirman gedaen moegen hebben den voirs(creven)/ wilen janne sedele(re) oft zijne(n) voirs(creven) wive Spruyten(de) ende/ oirspronck nemen(de) van gorde wilen luycx die in des voirs(creven)/ wilen plissis vroente van wegen des voirs(creven) sedeleers voe(r)/ seke(re) so(m)men van pe(n)ningen ende van scepen(en) brieven gesedt/ was ende den selven plissis ontghinck met al des/ daer aen van principalen costen lasten oft and(er)s cleven mach/ Hebben hen de selve p(ar)tien te weten(e) de voirs(creven) math(eeus) renu(n)c(ians)/ de voirs(creven) zijn wijf hier inne vervangen(de) in deen zijde ende de/ voirs(creven) willem pierart vervangen(de) hier inne de voirs(creven) sijne swegher/ in dande(re) van alle den voirs(creven) gescillen en(de) al des dair aen cleven/ mach oft uutgespruyt mach zijn gesubmitteert inde eendrechtige/ uutsprake van segge(re)n bij hen gemeynlijc gecosen de welcke / zijn de eerweerdige meester jan van beetse doctoir in theologien/ gerardt van baussele secretar(is) goird hanckaert en(de) jan van/ udekem voirspreke die hue(r) uutsprake dair af doen selen/ onv(er)togelijc ende metter sonne(n)schijne Promitt(entes) rat(um) cor(am)/ roelofs vos decembr(is) x