It(em) jouffr(ouwe) magriete roelants weduwe joes wijlen absoloens heeft gekint/ gehave(n) te hebben vand(en) edelen en(de) mogen(de) h(er)toge wijlen jonghe h(er)toge/ te gulcke en(de) totten berghe greve te ravensberghe hee(re) te heynsberge/ te diest en(de) te sichen(en) (et)c(etera) en(de) dat uut handen mathijs vand(en) rode rint/ meest(er)s des vors(creven) h(er)scaps in sijne(n) vors(creven) lande van diest de so(m)me van/ hondert xiiii(½) r(ijns) gul(den) eene(n) stuver vi mit(en) van dien ii[c] lv(½) r(ijns) guld(en)/ eenen stuver vi mit(en) die de vors(creven) jouffr(ouwe) magriete h(er) jacop wijlen
//
greve van salmen h(er) machiel absoloens ridde(r) en(de) gielijs van cav(er)chon/ jairlix en(de) erflic houden(de) zijn en(de) hebben(de) opde goede chijse en(de) pachte(n)/ des vors(creven) h(er)toge(n) bescrev(en) in seke(re)n scepen(en) brieve(n) van loven(en) dair/ op gemaict tot ii t(er)mijne(n) te wete(n) deen helicht te bamisse en(de)/ dand(er) helicht te paessche(n) en(de) die vand(en) t(er)mijne(n) van paesschen/ en(de) bamisse beide lestled(en) Bekinnen(de) hue(r) de vors(creven) jouffr(ouwe) mag(ri)ete/ vand(en) vors(creven) ii t(er)mijne(n) en(de) van allen voirleden(en) t(er)mijne(n) bij hue(r)/ verschene(n) volcomelic genoech gedaen scelden(de) d(air) af volcomelic/ quite den vors(creven) h(er)toge sijn vors(creven) goide zijne(n) vors(creven) rintmeest(er)/ en(de) alle ande(re) des quitan(cie) behoeven(de) P(ro)mitt(ens) null(atenus) alloq(ui) s(ed)/ war(andizare) vos heyk(ens) ja(nuar)[ii] xvii