It(em) want henric egnoy die bij machte van scepen(en) brieve(n) van/ loeven(en) overlang gemaict ende gepasseert na de hoghe heerlich(eit)/ ons gened(ichs) he(re)n ts(er)togen en(de) den rechte zijnre stat van loeven(en)/ houdt en(de) besitten(de) is acht ghelte(n) hoppe(n) erflic opde bruwerie/ met huysen hoven ketelen cuypen en(de) allen ande(re)n toebehoorten/ wout(er)s loist geleg(en) tsint jansgheest met scepen(en) brieve(n) van/ loven(en) over lang gepasseert op in dond(er)daige lestlede(n) hadde/ doen bescrive(n) den vors(creven) wout(ere)n hande te lichte(n) vand(en) voirscr(even)/ goede(n) oft dat hij op in dond(er)daige lestlede(n) voirs(creven) te loeven(en)/ comen wa(r)e rechts plegen dair hij niet comen en is Soe dat/ de scepen(en) van loven(en) t(er) maniss(en) smeyers yerst gehoort den vors(creven)/ meye(r) in p(er)soene en(de) inde banc dexploit yerst volcomelic/ gedaen te sijne datme(n) den vors(creven) henr(icke) van des vors(creven) es/ houde(n) soude inde macht van sijnre leve(ri)nge(n) alsoe v(er)re/ alst dat noch voir scepen(en) come(n) was cor(am) o(mn)ib(us) scabinis dempt(is)/ lye(ming)[en] langrode ja(nuar)[ii] xxviii