It(em) goird van kessele heeft genomen en(de) bekint genome(n) te hebben/ van henricke van kessele zijnen vader die woeni(n)ge geheel gelic/ die gelegen is te kessele metten huysen hove(n) alle(n) zijne(n) bog(ar)den/ beemde(n) en(de) eeusselen die de vors(creven) henric liggen(de) heeft te kessele Te/ houden te hebben en(de) te wynnen van kersmisse lestlede(n) alsoe lange/ als de vors(creven) vader leven sal elx jairs dae(re)nbinne(n) om ende/ voe(r) derthien en(de) eene(n) halve(n) hollan(sche) gul(den) te xvi st(uvers) tstuc de(n) stuv(er)/ te drie pl(a)c(ken) alle ja(r)e sinte m(er)tensmisse te betale(n) en(de) ind(er) stat wissel/ van loven(e) te leve(re)n Met (con)dicien dat de vad(er) int vors(creven) huys en(de)/ hof sal behoude(n) tcleyn camerken tegen die strate en(de) den solde(r)/ bove(n) de grote came(r) tsijne(n) verdoene des sal de vad(er) de huysi(n)ge/ houden van wande en(de) van dake in goeden state It(em) selen de
//
vader ende de sone hebben half ende half alle dappele die/ jairlix wassen zelen inden bogart aen tvors(creven) huys geleg(en)/ en(de) achter de persse onder den berch ende alle dande(r) dappele/ in dander bogarde wassen(de) selen toebehoe(re)n den vader alleene/ en(de) alle de peeren van allen den bogarde(n) sal de vorscr(even)/ gord alleene hebben en(de) de noote half en(de) half It(em) sal de vors(creven)/ gord de goede wel ende loflic bevreede(n) en(de) dair toe nemen/ opde selve goede alle thout dat dair valle(n) sal te truncke(n)/ ten behoirlike(n) tide It(em) uutgesceide(n) die wijng(ar)tstake(n) die sele(n)/ den vader alleene toebehoe(re)n It(em) sal de vors(creven) goird hebben/ alle(n) den afval van houte van staken des sal de vors(creven) vader gelic/ den sone die orboe(re)n om hen te warmen It(em) sal de vader sonder/ begrijp moig(en) genyete(n) aen die pee(re)n vors(creven) tot dat zij gesoldert/ selen sijn sond(er) argelist Ende alse de vors(creven) vader bijde(n) wille/ gods aflivich wordde(n) sal sal nochtan de vors(creven) gord dat jair/ behoude(n) allet des vors(creven) steet cor(am) lye(ming)[en] vos febr(uarii) xi