It(em) willem bastijns anders van beerse sone henrix van beerse van/ raitshoven in p(rese)ncia heeft genome(n) ende bekind dat hij genome(n) heeft/ van mijne(n) hee(re) den abt van tong(er)loe die goede en(de) thiende(n) des selfs/ goidshuys geleg(en) tot adorp ende dair omtri(n)t soe verre die den vors(creven)/ goidshuyse aldair toebehoe(re)n en(de) de selve willem die aldair gehoude(n) heeft/ Te houden te hebben en(de) te wynnen van halfmerte dat was anno lxxii/ eene(n) t(er)mijn van drie ja(r)en lang v(er)volgen(de) elx jairs dae(re)nbinne(n) om en(de)/ voe(r) hondert en(de) tsestich mudde(n) corens en(de) viventwintich mudde(n) gerste(n)/ der mate(n) van thien(en) goets en(de) payabels jairlix sint andriesmisse/ apostels te betale(n) en(de) te thiene(n) in mijns he(re)n herberge aldair op des/ wynne(n) cost en(de) last te leve(re)n jairlix den vors(creven) t(er)mijn due(re)nde q(uo)l(ibet)/ ass(ecutu)[m] Met vorweerde(n) dat de vors(creven) wynne vand(en) vors(creven) so(m)men en(de)/ in afslage der selver jairlix betalen sal den p(er)soen van adorp vijfthien/ mudde(n) sinter claes outaer aldair twintich mudde(n) ende de(n) costere ald(air)
//
vive mudden corens maten voirs(creven) en(de) nyet meer afteslane Noch/ sal de voirs(creven) wynne boven des voirscr(even) steet betalen sonder/ eenich afslach te hebben jairlix den vors(creven) t(er)mijn due(re)nde/ alle alsulken chijse en(de) pachte(n) van gelde van coeren(en) even(en) raepsade/ en(de) spelte(n) oft anders alseme(n) uute(n) vors(creven) goede(n) van adorp en(de) foul/ jairlix sculd(ich) es te gelden(e) gedragen(de) ter so(m)men van veertich gul(den) te/ x st(uvers) tstuc bij alsoe droegen die chijse en(de) pachte(n) van greyne/ oft coirne meer dan die so(m)me van veertich gul(den) dair af soude die/ wynne ongehouden zijn ende oft die myn gedroeghen dat soude den/ wynne te baten comen ende oft de wynne dair inne gebreckelic/ wa(r)e soe dat dair voe(r) schade opde goede gesciedde die schade coste(n)/ en(de) laste(n) die dair o(m)me gedaen wordde(n) soude de selve wynne mote(n)/ gelden Item salmen den p(er)soen aldair late(n) tgene des hem toebehoort/ en(de) dat hij sculdich es te hebben van ouder gewoente(n) het zij inde/ oude hove oft buyte(n) soe v(er)re hijt gepossesseert heeft It(em) en sal/ de vors(creven) wynne gheen van des vors(creven) goidshuys lande(n) v(er)pachte(n) noch/ verhue(re)n noch de vruchte(n) op tgelt tvelt staen(de) v(er)coepe(n) noch v(er)pachte(n)/ mair late(n) die al op tvoirs(creven) goet comen en(de) d(air) mest af make(n) en(de) dat/ opde vors(creven) lande come(n) en(de) op gheen ande(re) tslants meeste(n) p(ro)fite/ Oec en sal hij gheene(n) walm moig(en) v(er)coepe(n) mair dair mede de/ huysinge tsvoirs(creven) goidsh(uys) aldair houde(n) en(de) decke(n) It(em) sal de vors(creven) wy(n)ne/ de vors(creven) goede sijne(n) vors(creven) t(er)mijn due(re)nde houden wynne(n) werve(n) en(de)/ meste(n) wel en(de) loflic gelijc reengenote(n) bove(n) en(de) benede(n) en(de) die late(n)/ tsijne(n) afsceide(n) zoe hij die tsijne(n) yerste(n) aencome(n) aenveerde ter/ taxacien van goeden ma(n)nen hen des verstaen(de) en(de) de gelegenth(eit)/ d(air) af weten(de) Voirt es vorweerde dat de vors(creven) wynne alle alsulk(en)/ huysen schue(re)n en(de) ty(m)mering(en) alse m(ijn) he(re) vors(creven) aldair tot adorp gesedt/ mach hebben oft noch sette(n) sal loflic van wenden en(de) daken houde(n)/ sal alsoe dat ande(re) wynne(n) en(de) late(n) m(ijns) he(re)n vors(creven) dat sculd(ich) sijn van/ doene Ende wairt soe dat god verhuede(n) moet dat de vors(creven) huyse/ schue(re)n en(de) ande(re) gety(m)merde bijde(n) selve(n) wynne oft sijne(n) boden/ versuemt v(er)roekeloest oft verbrant wordde(n) dat dat wese(n) sal te(n)
//
coste laste en(de) schaden des vors(creven) wynne(n) die dat gehoude(n) sal zijn/ weder te repare(re)n alsoe goet alse die te voren waren oft mijns/ he(re)n moet dair af te hebben It(em) van allen tempeeste hagel/ slage orloghe sal den wynne cortsel gescieden na usaigie/ van secundarie kercken van luydic en(de) gelijc ande(re) p(re)late(n) bove(n)/ ende beneden doen selen Ende alle dese vorweerd(en) (con)dicien/ en(de) geluften vors(creven) en(de) elke besund(er)t heeft de vors(creven) wy(n)ne mijnen/ hee(re) voirscr(even) gelooft goet vast gestentich en(de) onverbrekelic te houde(n)/ en(de) te voldoene tallen tide(n) en(de) t(er)mijne(n) alse die valle(n) en(de) verschine(n)/ sele(n) en(de) telk(er) t(er)mijne als v(er)volghde schult veroblige(re)nde en(de) v(er)binden(de)/ dair voe(r) hem selve(n) en(de) alle sijne goede tegewoirdich en(de) toecomen(de)/ inder bester formen ende voer allet des voirscr(even) steet behalve(n) alleene/vand(en) [voir de vors(creven)] twee leste(n) pointe(n) deen aengaen(de) den ond(er)houde(n) vanden/ wenden en(de) daken vand(en) huysen en(de) dander vand(en) versuemte(n) v(er)roekelois(en)/ verbrande(n) en(de) der scaden vand(en) vors(creven) schue(re)n huysen en(de) ande(re) gety(m)merte/ Sijn borgen bleven des vors(creven) wynnen t(am)q(uam) debitores p(ri)ncipal(es) indivisim/ quoad so(m)ma ducentor(um) modior(um) bladi mens(ur)[e] p(re)d(ict)e semel henric(us)/ de beerse p(ate)r d(i)c(t)i coloni gerard(us) e(ius) fili(us) (com)mor(ans) apud hoelede gerard(us)/ me(n)nekens f(ilius) iudoci (com)mor(ans) apud boensbeke et joh(ann)es vand(en) poele filius/ quond(am) joh(ann)is (com)mor(ans) apud godsenhove(n) ac walter(us) ty(m)mermans/ f(ilius) quond(am) arnoldi (com)mor(ans) apud mierdorp p(at)rie nam(ur)cen(sis) quos fideiuss(ores)/ ip(s)e colon(us) exinde p(ro)misit releva(r)e indempn(es) cor(am) roelofs heykens ja(nuar)[ii]/ xiiii