Vanden questien ende geschille(n) die opv(er)staen en(de) geport/ zijn tussche(n) jonch(e)r janne pynnock sone wijle(n) he(re)n jans/ pynnox ridders sone was amelr(ijcx) py(n)nock in deen zijde/ ende de wettighe kinde(re) desselfs wijle(n) amelrijcx/ oem en(de) moeyen des voirscr(even) jonch(e)r jans in dandere/ omder omberuerlijcker goede wille bleve(n) nae ende/ vander doot he(re)n symoens ridders en(de) amelr(ijcx) wile(n) py(n)nock/ gebruede(re)n hier nae genoempt Te weten(e) vande(n) goede(n)/ geheete(n) vande(n) voirde gelege(n) te libbeke met hue(re)n toebeh(oirten)/ alsoe wel leene als ande(re) vande(n) goede(n) geheete(n) thorst(er)broec/ en(de) den steenberch met hue(re)n toebehoirte(n) hebben hen de/ selve jonch(e)r jan te vo(r)en uuyt vrouwe lijsbette(n) va(n) huerne/ zijnder vrouwe moeder broode gedaen in deen zijde en(de)/ henr(ick) pynnock een der soenen des voirs(creven) wile(n) amelrijx/ vervangen(de) h(ier)inne alle zijne wettige bruede(re)n ende/ suste(re)n in dande(re) gesubmitteert in segghe(re)n en(de) vriendelike/ yffene(re)n te weten(e) de voirs(creven) jonch(e)r jan in he(re)n jacoppe/ uuyte(n) lyemi(n)gen ridde(r) hee(re) te wanghe (et)c(etera) lodewijcke/ roelofs scepen(e) te loven(e) en(de) meest(er) janne calaber secretar(is)/ ende de voirs(creven) henr(ick) in he(re)n ph(ilips)e va(n) schoenhove(n) ridd(er)/ hee(re) te waenrode arnold(e) kyp en(de) gerarde va(n) baussele/ secretar(is) in sulker vueghen dat de selve segge(re)n/ informacie van p(ar)tien voirnemen(en) rechte en(de) besceyde/ informe(re)n sulle(n) en(de) hue(r) eendrechtige uuytsp(ra)ke doen/ bynne(n) eender maent nade(n) heyligen paeschdach naistc(omende)/ Promitt(entes) rat(um) met bespreke van beyde(n) voirscr(even)/ p(ar)tien hier toegevuecht dat zij ende elc va(n) hen/ dese submissie wed(er)roepen ende wed(er)spreke(n) sullen/ moege(n) tussche(n) dit en(de) palmsondach naestcomen(de) cor(am)/ vos heykens m(ar)cii tercia