Dair machiel van poddegheem voir den raide vand(er) stat ontbode(n)/ hadde lijsbetten [vacat] om deswille dat zij ande(re)n liede(n)/ verhuert hadde ende den voirscr(even) machiele ontrecken woude een/ huys geleg(en) inde bout(er)shem [borch]trate naest janne lesens bove(n) dien/ dat de selve machiel dair aen zijn voerhue(ri)nge hadde jairlix om/ sesse crone(n) te xxv stuv(er)s tstuc die van sint jansmisse naistcomen(de)/ noch vive ja(r)en due(re)n moeste versueken(de) in sijn hue(ri)nge gehoude(n)/ en(de) alle belet afgedaen te wordden welke hue(ri)nge de selve lijsbeth/ uut(er)lic bekinde fonde(re)nde huer reden(en) dair op dat de selve machiel/ selve huer aengesocht hadde der hue(ri)ngen de verdrage(n) te sijne/ al waest nochtan dat zij hem dier niet verdrage(n) en woude/ meynen(de) dair o(m)me van dien ongehouden te blive(n) en(de) dat de
//
vors(creven) machiel thuys soude mote(n) ruyme(n) es uutgesprok(en)/ dat den vors(creven) machiele zijn voerhue(ri)nge den vorscr(even)/ t(er)mijn due(re)nde volgen en(de) blive(n) sal ende want ter ande(r)/ zijden de selve lijsbeth yesch den vors(creven) machiele een vede(n)?/ die de selve machiel soe zij seide huer toegeseecht hadde/ dair af de vors(creven) machiel en kinde mair een we(r)men? vede(n)/ oft x stuv(er)s dair voe(r) zoe sijn de vors(creven) p(ar)tien des v(er)eenicht/ dat de selve machiel huer dair voe(r) geve(n) sal twintich/ stuv(er)s act(um) in (con)silio opidi deci(m)aseptima die mensis marcii