It(em) goird wellens sone wile(n) jans wonen(de) te love(n)joul in p(rese)ncia/ heeft genome(n) en(de) bekint dat hij genome(n) heeft va(n) pete(re)n vande(n)/ berghe scepen(e) te loven(e) thof desselfs pet(er)s en(de) wynnen(de) lande/ en(de) alle groese(n) va(n) maybempde(n) en(de) ande(re)n bempde(n) de(n) hove/ toebehoiren(de) gelege(n) en(de) geheeten ten ynde inde p(ro)chie va(n) love(n)joel/ en(de) d(air)omtrint te houde(n) te hebbe(n) te wynne(n) en(de) te gebruycke(n) va(n)/ half m(er)te lestlede(n) eene(n) t(er)mijn va(n) sesse jare(n) lang v(er)volg(ende) elx/ jaers d(air)enbynne(n) tvoirs(creven) hof mette(n) wynnen(de) lande(n) om en(de) voe(r)/ deen helcht va(n) alle(n) den vruchte(n) d(air)op jairlijx wassen(de) d(air)aff/ de wynne pet(er)s helicht behoirlijck in zijn schue(r) sal moete(n) leve(re)n/ daer toe peter hem een hulpe doen sal dien de wy(n)ne den/ cost sal gheve(n) ende de voirs(creven) bempde om en(de) voe(r) xxxii holl(ansche)/ guld(en) te xvi stuv(er)s tstuck jairlijx sinte m(er)tensmesse vallen(de)/ en(de) ombegrepe(n) te meye betaelt te zijne en(de) des voirs(creven) pet(er)s/ helcht alsoe wel van core(n) als oofte en(de) anders alse dat bereyt/ sal zijn te loven(e) te leve(re)n met vorweerde(n) dat de wy(n)ne int/ ooft wassen(de) jaerlijx inde(n) heystbog(ar)de mette(n) nyeuwe(n) bog(ar)de d(air)aen/ gelege(n) gheen sacht hebbe(n) en sal dan de rapelinge va(n) die(n)/ It(em) sal de wynne de(n) voirscr(even) pete(re)n oft hijs beg(er)t late(n) jairlix/ alle alsulke(n) scape oft wolle alse hij sal wille(n) v(er)copen/ en(de) voe(r) de(n) selve(n) prijs dat hijse eene(n) ande(re)n late(n) soude/ in afslaghe vande(n) weyghelde It(em) sal de wynne de voirs(creven)/ goede talle(n) zijde(n) houden beheyme(n) en(de) bevrede(n) loflijck zijne(n)/ t(er)mijn due(re)nde en(de) die alsoe tsijne(n) afscheyde(n) late(n) Item/ sal de selve wynne de voirs(creven) wynnen(de) lande zijne(n) t(er)mijn/ due(re)nde houde(n) wynne(n) werve(n) en(de) meste(n) wel en(de) loflijck/ gelijck regengenoete(n) bove(n) en(de) benede(n) en(de) die tsijne(n) afsceyde(n)/ late(n) alsoe hijse aenveerde te wete(n) den wynt(er)aert dairaff
//
omtrint een boender met tarwe(n) en(de) tsurplus met ande(re)n wynt(er)corne/ en(de) de ande(re) aerde soe dat behoirt te wete(n) stortte en(de) brake/ behoirlijck o(m)megedaen It(em) sal de wynne tsijnder berringhen/ behoef ten behoirlijcke(n) tijde moege(n) houwe(n) alle trunchout ae(n)de/ voirs(creven) lande staen(de) zonder d(air)af yet te geve(n) It(em) sal de wy(n)ne/ tsijne(n) laste jaerlijx ii cuyle(n) m(er)gels op tvoirs(creven) lant vue(re)n te(n)/ meeste(n) orbe(re) en(de) p(ro)fijte vande(n) lande welke(n) merghel de voirs(creven)/ peter coope(n) sal en(de) doen steke(n) tsijne(n) laste en(de) zond(er) zwynne(n)/ cost It(em) sal de wynne jaerlijx alsoe vele luecx moeghe(n)/ houwe(n) opde goede te(n) meeste(n) p(ro)fijte der selv(er) ten ghetidege(n) tijde/ alse d(air) behoeve(n) sal om de selve goede d(air)mede te bevrede(n)/ des sal hij moete(n) alle poote(n) die d(air) valle(n) bove(n) dbevrede(n) plante(n)/ opde selve goede te(n) meeste(n) p(ro)fijte d(er) selv(er) It(em) sal de wy(n)ne/ jaerlijx hebbe(n) een elle sulx wollens lakens alse he(m) de/ selve pet(er) sal wille(n) gheve(n) It(em) sal de wy(n)ne de huysinge/ vande(n) voirscr(even) hove sijne(n) t(er)mijn due(re)nde houde(n) wel ende/ loflijck vander underster rijckele(n) ned(er)weert op zijne(n) cost/ It(em) sal de wynne voirs(creven) int hof leve(re)n v[c] walme(re)n om/ opde huysinge ald(air) te v(er)decken en(de) alsmen dair dect plect/ oft ande(re) oude rep(ar)acie doet dan sal de wy(n)ne de(n) werclied(en)/ de(n) montcost gheve(n) en(de) aenhale(n) leem en(de) and(er)s dat d(air)/ toebehoeft en(de) peter sal de dachue(re)n betale(n) noch sele(n)/ peter en(de) zijn wy(n)ne bove(n) dese(n) jaerlix int hof doe(n) come(n)/ xl mandele(n) stroes d(air)af peter de tweedeel en(de) de/ wynne tderdel betale(n) sele(n) en(de) de wy(n)ne salse hale(n) dairse/ gecocht sele(n) worde(n) op zijne(n) cost Item sal de wynne/ jaerlijx houde(n) voe(r) den voirs(creven) pete(re)n drie v(er)ken(e) alse he(m)/ peter levert zonder desselfs pet(er)s cost It(em) peter sal allet/ ooft dat hen beyde(n) te gelike toebehoirt alleene doe(n) lese(n)/ mair de wy(n)ne sal den montcost gheve(n) It(em) sal de/ wynne jaerlijx saeyen voir pete(re)n twee halste(r) lijnsaets/ zonder pet(er)s cost op dat hem peter den saet levert It(em)/ sal de wynne jaerlijx hebben uuyte(n) zomeraerde voir uuyt/(½) boender lants om crocke(n) d(air)op te zayen(e) op dat hijse zayen/ wilt Item sal de wy(n)ne jaerlijx zijne(n) meester doe(n) thien
//
corweyde(n) zonder yet dairaf te rekene(n) met zijne(n) wagen(en)/ en(de) p(er)den te weten elke corweyde soe v(er)re alse hij die/ op eene(n) dach sal conne(n) gedoe(n) It(em) sal de wynne zijne(n)/ t(er)mijn due(re)nde tsijne(n) afscheyde(n) veghe(n) houde(n) maken/ ruyme(n) en(de) ryole(n) alle grechte(n) en(de) wat(er)leyde(n) vande(n) goede(n) also/ in tijts datter gheen schade af en come en(de) die also tsijne(n)/ afscheyde(n) late(n) alsoe hij die bevonde(n) heeft ende oft/ d(air)aff e(n)nige schade quame die soude hij oprichte(n) en(de)/ cuele(n) It(em) want de voirs(creven) pet(er) zijne(n) wy(n)ne tsijne(n) income(n)/ gheleent heeft de so(m)me va(n) xxxiii pet(er)s iiii stuv(er)s elke(n)/ peter te xviii st(uvers) ge(re)kent Soe es vorweerde en(de) heeft/ geloeft de selve wynne hem die weder te ke(re)n ten leste(n)/ ja(r)e va(n) zijne(n) t(er)mijne t(am)q(uam) ass(ecutu)[m] ende alle dese vorweerde(n) (et)c(etera)/ h(ier)af zijn borgen des voirs(creven) wynne(n) als p(ri)ncipale schuld(er)s/ ind(ivisim) jan wellens brued(er) svoirs(creven) wynne(n) wonen(de) toverloe onder/ bierbeke wout(er) wellens brued(er) d(er) voirs(creven) gebrued(er)s wonen(de) te/ love(n)joul en(de) jan de smet des wynne(n) swag(er) vettewarier/ wonen(de) te loven(e) quos colonus p(ro)misit inde(m)p(nem) releva(r)e/ cor(am) langrode vos ap(ri)lis t(er)cia