It(em) gielijs le(m)mens in p(rese)ncia heeft genomen en(de) bekint dat hij genome(n) heeft/ van he(re)n janne van beesden noele de fauchon canonick(en) der kercken van/ sint jans te luydic en(de) robbeerde van mo(m)male rintmeest(er) en(de) rekene(r) der/ cap(it)len vand(er) selver kercken inden name en(de) van wegen der voirs(creven) cap(it)len/ den chijs die der selver cap(it)len geleg(en) te houdert en(de) dair omtri(n)t metten
//
rechten en(de) heerlich(eiden) dair toe hoe(re)nde zoe v(er)re hij die voirmaels/ gehouden heeft Te houden en(de) te hebben van sint jansmisse/ bap(tis)[te(n)] lestlede(n) eenen t(er)mijn van xii jae(re)n lang v(er)volgen(de) elcx/ jairs dae(re)nbinne(n) om en(de) voe(r) tweelf gouden rinsche guld(en) goed/ en(de) ginghe oft die weerde dair af in ande(re)n goede(n) ghelde/ deen helicht te kersmisse en(de) dander helicht ts(int) jansmisse bap(tis)[te(n)]/ jairlix den voirs(creven) t(er)mijn due(re)nde te betalen den rintm(eeste)r der vors(creven)/ cap(it)len ten tide sijnde tot behoif der selver cap(it)len quol(ibet) ass(ecutu)[m]/ It(em) mits desen scelden p(ar)tien malcande(re)n quite van al tgene des/ zij totte(n) vors(creven) sint jansmisse bap(tis)[te(n)] lestlede(n) deen totte(n) ande(re)n/ oft totte(n) vors(creven) goeden te segge(n) mochte(n) hebben Inde est fideiussor/ d(i)c(t)i egidii adrian(us) petri bedell(us) facultat(is) arciu(m) univ(er)sitat(is) studii/ lovan(iensis) renu(n)c(ians) que(m) ip(s)e egidi[(us)] p(ro)misit exinde indemp(nem) (con)servare/ cor(am) langrode vos julii xv