Item een sceydinghe en(de) deylinge gesciet en(de) gemaict sijnde tussce(n)/ magrieten weduwe bartelmeeus wijlen smisman met janne smisman/ hue(re)n na(tur)liken sone en(de) claese smisman zijnen brued(er) oic na(tur)lic sone/ des vors(creven) wijlen bartelmeeus dien hij hadde van katheline(n) wijlen/ roekeloes ter eender sijden en(de) arnde scrine ter ande(re) alse vand(en) goide(n)/ h(ier) nae bescreve(n) Te weten vand(er) herberg(en) geheete(n) den zwane ende/ den huyse dair naist geleg(en) geheete(n) de(n) ancker mette(n) toebehoorte(n)/ op de vischmerct gele tussce(n) de goede jans barts geheete(n) den/ pellicaen ter eend(er) zijde(n) en(de) thuys geheete(n) tspreeuken jans vand(en)/ bossche ter ande(re) gaende de vors(creven) goede acht(er) uut tot inde augustijn/ strate Item noch van eene(n) huyse en(de) hove mette(n) stalle ende den
//
toebehoorte(n) wijlen toebehoiren(de) den augustijne(n) inde augustijn/ strate voirs(creven) geleg(en) neve(n) den augustijne(n) kerchof tusscen den/ selven kerchof ter eender zijde(n) en(de) een huys en(de) hof aldair/ geleg(en) toebehoiren(de) den augustijne(n) ter ande(re) It(em) en(de) noch van/ eenen huyse en(de) hove metten toebehoorte(n) dair jorijs leeman/ inne woent inde voirs(creven) augustijnstrate geleg(en) op dander sijde/ vand(er) strate tegen over den voirs(creven) goeden tussce(n) den hof reyners/ vand(en) putte ter eender sijde(n) en(de) jans goede vand(en) bossche ter/ ande(re) Van welk(en) goede(n) vors(creven) de vors(creven) arnd scrine deen helicht/ gecocht en(de) gecreg(en) heeft teg(en) derfgename(n) marien wijlen/ weyns des voirs(creven) wijlen bartelmeeus yerste weerdynne/ mett(er) welker de vors(creven) goede gecreg(en) wae(re)n en(de) wart de selve/ arnt in die helicht gegoid en(de) geerft voir scepen(en) van loven(en)/ junii xxvii lestled(en) ende de voirs(creven) goede in twee deelen gedeilt/ zijnde tusscen de voirs(creven) p(ar)tien Sijn bleve(n) en(de) gevallen/ der vors(creven) magriete(n) weduwe des voirs(creven) bartelmeeus tot hue(re)r/ tocht behoif en(de) des selfs bartelmeeus na(tur)lik(en) kinde(re)n voirs(creven)/ nae huer doot half en(de) half ter erflich(eit) behoif in hue(r) deili(n)ge/ de voirs(creven) h(er)berge geheete(n) den zwane metten toebehoirte(n)/ soe die voirmaels tegen joese lachman v(er)creg(en) heeft geweest/ en(de) des selfs joes moeder die te besitten plach en(de) niet voird(er)/ It(em) en(de) noch tvoirs(creven) huys en(de) hof mette(n) toebehoorte(n) inde/ voirs(creven) augustijnstrate geleg(en) aende(n) augustijne(n) kerchof sub/ iu(r)e p(ri)us t(er)m(in)is de(bi)[t(is)] Sijn bleven en(de) gevalle(n) de(n) vors(creven)/ arnde scrive in sijn deilinge de goede nae bescrev(en) te weten/ tvoirs(creven) huys en(de) hof mette(n) toebehoirte(n) geheete(n) den ancker en(de)/ den uutgange inde augustijnstrate soe die goede voirmaels/ v(er)creg(en) waren tegen pet(ere)n vand(en) zijpe Item en(de) noch tvoirscr(even)/ huys en(de) hof inde vors(creven) augustijnstrate dair jorijs leemans/ inne woent sub iu(r)e et censu illo ex illis eun(tibus) t(em)p(or)e quo d(ict)a/ q(uon)d(am) maria weyns p(ri)maria uxor d(i)c(t)i bartholomei ex c decessit/ t(er)m(in)is de(bi)[t(is)] Met vorweerd(en) want mits der vors(creven) deiling(en)/ der vors(creven) herberghen geheete(n) den zwane afgaen en(de) totten
//
ande(re)n gedeelte des vors(creven) arnts gevuecht wordde(n) seke(re) gedeelte(n)/ van stallaigien en(de) ande(re) huysing(en) en(de) oic den vors(creven) uutganc inde/ augustijnstrate die nu der selver swanen gedient hebbe(n) ende/ met den ancker v(er)creg(en) wardde(n) Wairt tsake dat die goede/ vand(er) eend(er) oft ande(r) zijde(n) afgebroke(n) wordde(n) ter plaetsen dair/ zij nu van malcande(re)n scheiden sele(n) en dat den vrede die dair/ behoifde tusscen beide gemaict te wordden om beheymt te sijne/ te geliken laste vand(er) herberghen geheeten den swane en(de) vand(en)/ ancke(r) voirs(creven) gemaict soude wordde(n) half en(de) half Ende om dien/ vrede te maken en(de) te setten dairt behoirt soudemen eene(n) draet/ trecken ter zijden weert vand(en) zwanen opte(n) muer vand(er) coken(en) vand(en)/ ancke(r) en(de) achter opde(n) muer vand(en) coken(en) vand(en) ancke(r) huysken dair/ tvoutken inne staet en(de) dan soude men dien vrede binne(n) sdraets/ ter sijden weert vand(en) ancke(r) setten Hanc quoque et sat(isfacere) alt(er)a/ alt(er)i p(ro)ut cor(am) roelofs heykens julii xviii