It(em) jan couwens en(de) margriete zwans zijn weerdynne die onlanx/ leden ghecocht en(de) ghecrege(n) hebbe(n) teghen janne heyms sone/ goirts wile(n) heyms brueder der voirs(creven) m(ar)griete(n) vande(n) yerste(n) bedde/ alle desselfs jans heyms kintsgedeelte va(n) alle(n) alsulke(n) goede(n)/ chijse(n) rinte(n) oft pachte(n) alse he(m) nae lijsbette(n) zijnd(er) moed(er) doot/ e(n)nichssins aencome(n) valle(n) oft v(er)sterve(n) mochte(n) inden prochie(n)/ van bynckem aetrode meenssele en(de) d(air)omtrint gelegen/ hoedanich die sijn d(air)af dat de selve gehuyssche(n) guedinge(n)/ en(de) vestich(eit) voe(r) de behoirlijcke hove ontfange(n) hebbe(n) voir/ eene so(m)me va(n) pe(n)ni(n)g(en) die zij he(m) d(air)af ghereet gave(n)
//
ende oick om vi lichte gulden(en) te x stuv(er)s tstuck tsjaers/ jairlijx den selve(n) janne heyms zijn leefdaghe lanck d(air)af/ te betale(n) in p(rese)ncia hebben gekint en(de) gelijdt dat zij die/ come(n)scap geheelijck en(de) al voirt ov(er)gegeve(n) hebbe(n) henri(cke)/ va(n) gulke en(de) lijsbette(n) heyme zijne(n) wive suster des voirs(creven) jans/ heyme ende geloeft den selve(n) henr(icke) en(de) zijne(n) wive d(air)af/ voirt guedinghe en(de) vestich(eit) te doene behoirlijck en(de) de/ selve d(air)inne te clede(n) zoe dat hen genoech zij et sat(isfacere)/ op alsoe dat de selve henr(ick) en(de) zijn wijf den voirs(creven) ja(n)ne/ couwens en(de) zijnder weerdynne(n) en(de) ande(re) d(air)voe(r) v(er)bonden/ zijnde scadeloes houde(n) sele(n) en(de) doen quijtscelde(n) vanden/ geluefte(n) en(de) vestich(eit) van pe(n)ni(n)g(en) voirs(creven) vi lichte gulden(en)/ lijfpen(sien) ende des d(air)aene cleeft ende d(air)enbove(n) dat zij de(n)/ selve(n) janne couwens en(de) zijnd(er) weerdynne(n) bynne(n) twee/ jare(n) naestcomen(de) oft eer op dat zij eer eenich erfgoet/ v(er)cope(n) geve(n) sele(n) xiii lichte gulden(en) te x stuv(er)s tstuck/ met vorweerde(n) en(de) geluefte(n) oick dat de selve henr(ick) en(de) zij(n)/ wijf d(air)voer inne staen sele(n) dat de voirs(creven) jan couwens/ en(de) zijn wijf oft hue(r) wettighe kinde(re) huers gebreken(de)/ nae de doot lijsbette(n) eveloechs moeders der selv(er) margriete(n)/ hebbe(n) sele(n) vande(n) goede(n) nader selver lijsbette(n) d(er) moed(er) bliven(de)/ xx crone(n) te xxv stuv(er)s tstuck eens en(de) dair toe v(er)va(n)gen/ den voirscr(even) janne heyms dat hij d(air)inne consente(re)n en(de)/ dat oick gelove(n) sal alse hij bynne(n) lants compt cor(am)/ berghe langrode junii t(er)cia