It(em) gillis de chenoit woenen(de) te sart resbarbe inde p(ro)ch(ie)/ van opprebaix die met scepen(en) brieve(n) van loeven(e) vand(er) date(n)/ xiiii[c] liii octobris ulti(m)a als man en(de) mo(m)boir jouffr(ouwe) marien/ del val weduwe henricx wilen le favetrop gehouden heeft/ vier mudde tarwen goet en(de) payabel der maten va(n) loeven(e)/ met wanne en(de) met vedere(n) wel bereyt d(er) mate(n) va(n) loeven(e)/ alle jare tsinte andriesmisse apostels te betalen aen ende op/ de goede en(de) pacht hier na bescreven willems wijlen/ crepin en(de) na hem jans ende jacops maricke gebruederen/ wettige kijndere jacops wilen maricke in deen zijde ende de/ voirs(creven) gebruede(re)n in dande(re) sijn bij middele van e(n)nige(n) hue(re)n/ vrienden eens worden en(de) overcomen der poente(n) ende (con)dicie(n)/ hier na bescreve(n) die zij malcanderen gelooft hebben voir hen/ hueren erven en(de) nacomelingen vast ende gestentich te houde(n)/ en(de) te voldoene Inden yersten dat de(n) voirs(creven) gielise en(de) zij(n)re/ weerdinne(n) en(de) hue(re)n erve(n) en(de) nacomelingen volge(n) selen/ de p goede ende pande voirs(creven) geheel en(de) al oft de(n) ghene(n)/ dien de voirs(creven) gehuysscen d(air)inne selen doen oft late(n) goede(n)/ en(de) erven des sal de voirs(creven) gielijs de(n) voirs(creven) gebruedere(n)/ geve(n) ende betalen xvi pet(er)s mo(ne)[te] te liiii pl(a)c(ken) tstuc tusscen/ dit en(de) paesschen naestcomen(de) t(am)q(uam) ass(ecutu)[m] en(de) selen oic de/ selve gebuederen gehouden zijn den selven gielise inder/ maniere(n) voirs(creven) binne(n) de(n) selven tijde d te doen guedinge/ ende vestich(eit) voir hoff en(de) hee(re) dairme(n) de voirs(creven) goede en(de)/ onderpande houdende is en(de) dat algader en(de) des d(air) ane
//
cleeft ten coste en(de) laste vanden ghene(n) die d(air)inne nae/ den hofrechte aldair sculdich sal zijn gehouden en(de) gelast/ te wesen P(ro)mitten(s) d(i)c(t)i f(rat)res de dict(is) bonis et pign(or)ib(us)/ semp(er) satisface(re) si quid roelofs heykens junii vii