Cont zij allen lieden dat lodewijc wynants van breda woenen(de)/ te grymberghe [ende gertruyd sijn weerdynne] in p(rese)ncia hebbe(n) genomen en(de) bekind dat sij genome(n)/ hebbe(n) van reyne(re)n van wijtfliet woenen(de) te loven(en) de goede des/ selfs reyners h(ier) nae bescreven geleg(en) inde p(ro)chie van grymberg(en)/ voirs(creven) te weten yerst elf en(de) een half boender wynnens lants/ luttel myn oft meer geleg(en) opt priesterlinde velt en(de) opte lange/ haghe alsoe neder comen(de) tot bider tanghen toe van w ende/ noch eene beemt houden(de) zesse dachwand luttel myn oft meer/ geleg(en) in grymberg(er)broec Te houden te hebben te wynnen en(de)/ te gebruycken van halfmerte naistcomen(de) eenen t(er)mijn van tweelf/ jae(re)n lang v(er)volgen(de) elcs jairs dae(re)nbinne(n) de voirs(creven) wynnen(de) lande/ om en(de) voe(r) vie(re)ntwintich sacken corens rox der maten van/ grymberghen goet en(de) payabel wel bereet met wa(n)ne ende/ vloegelen jairlijcx sint andries misse apostels verschinen(de) ende/ te kersmisse dair naest volgen(de) oft ombegrepen tons(er) liever vr(o)uwe(n)/ daige purificacio volbetailt te sijne en(de) te mechelen te leve(re)n/ in tween pe(n)ningen nae den besten sonder des voirs(creven) reyners/ cost oft last Ende den voirs(creven) beemt elx jairs dae(re)nbinne(n) om en(de)/ voe(r) sesse guld(en) pet(er)s te xix st(uvers) tstuc sinte m(er)tensmisse inden winter/ te betale(n) den vors(creven) reyne(re)n quol(ibet) ass(ecutu)[m] Met vorweerde(n) dat de/ vors(creven) wynne(n) alle jae(re) den vors(creven) t(er)mijn due(re)nde gelden en(de) betalen/ sele(n) den rintmeest(er) mijns jonch(e)r(e)n [des greven] van nassouwen xxvi virtelen/ tarwen der vors(creven) maten van grymbergen alsoe men gewoenlic/ es mijns vors(creven) jonch(e)r(e)n pacht tarwe te betalen sond(er) cost oft last/ des vors(creven) reyners ende dair voe(r) sal hen de selve reyne(r) af/ cortten in sijnd(er) [hue(re)r] betaling(en) en(de) in myndernissen van zijne(n) [hue(re)r] pachte/ xxvi virtelen rogs der maten vors(creven) It(em) es voirt vorweerde/ dat de vors(creven) wynne(n) jairlix den vors(creven) t(er)mijn due(re)nde des vors(creven)/ reyners wettige gesellinne gelden en(de) betalen [te loven(en) leveren] sele(n) twee steen vlas/ It(em) noch es vorweerde en(de) ondersproken dat de vors(creven) wynne(n)/ tvoirg(eruert) wynnende land laten sele(n) tsijne(n) [thue(re)n] afsceiden gelijc sijt aen/ veerden sele(n) te weten de vier en(de) een half boende(re)n met roggen
//
oft tarwen stoppelen Item de drie boender met somer stoppelen/ It(em) ende dander vier boender brake(n) met drie voren en(de)/ een half boender vanden vie(re)n loflijc gemest gelijc zijne(n)/ naegebue(re)n Ende alle dese vorweerden hier af e Ende/ oft den vors(creven) reyne(re)n van des vors(creven) steet yet gebrake/ dat hij niet aende vors(creven) gehuyssce(n) crige(n) en conste/ dair voir hebbe(n) gesproken elc voir tvie(re)ndeel van/ dien en(de) niet voird(er) daneel van huffle jan vand(en)/ weesenhove(n) en(de) willem de cuype(re) [jaspar beafart] alle woenen(de) te/ grymberg(en) Et p(ri)mi duo cor(am) langrode heyk(ens)/ sept(embris) iiii iiii