Alsoe als magriete van zallaken weduwe jans wijlen van rode/ in co(m)me(r) en(de) rastem(en)te gedaen hadde de goede jouffr(ouwe) katheline(n) van/ hostaden voer schout die zij huer eysscen(de) was ende dat rastem(en)t/ gevolcht met drie geriechten dair af dach van rechte op heden/ diende Aldair de voirs(creven) magriete selve nyet en quam noch ande(re)/ van hue(re)n wegen de voirs(creven) jouffr(ouwe) katlijne eysscen(de) voort trecht/ soe wijsden de scepen(en) van loeven(en) ter manissen smeyers soe verre/ den dach van rechte op heden diende dat dan de weduwe voirs(creven)/ jouffr(ouwe) katheline verweert soude sijn cor(am) roelants heykens vos/ langrode heykens sept(embris) x