It(em) her philips van scoenhove(n) [he(re) te waenrode (et)c(etera)] ridder in deen zijde en(de) jonch(e)r/ henric van scoenhove(n) zijn brueder in dande(re) in p(rese)ncia aldair/ de voirs(creven) jonch(e)r henric kinde ende lijdde zijns goets moets/ willen openbaerlijc ende onbedwongen wel ende wettelijc ver/ cocht te hebben den voirs(creven) he(re)n philipse van scoenhove(n) zijne(n)/ brueder zijn kintsgedeelte Te weten zijn vierendeel hem toe/ behoirende inder heerlicheyt chijsen renten pachten bosschen/ landen bempden opcomingen en(de) v(er)vallen vanden goede(n) va(n)/ nurode ende van vlasslair metten panhuyse tot nurode gele/ gen ende oec zijn vierendeel gelegen onder nurode inde wat(er)/ moelen geheten tsgreve(n) moelen inde(n) lande van zichenen/ diemen te leene houdt vanden hee(re) van wynge met allen/ hueren toebehoirten niet dair inne uutgesceyden also hem die/ verstorven is na de doot jonch(e)r(e)n henricx wilen van scoenhove(n)/ zijns vaders en(de) na doot vrou beatrice(n) van scoenhove(n) saliger/ gedachten zijnre zuster Op de lasten ende co(m)meren hier na/ verclaert te weten zijn gedeelte op der he(re)n recht vand(en) gronde/ ende op vijftich gulden(en) hollansche erflijc aen he(re)n janne van/ kestergate riddere It(em) op thien guld(en) hollan(sche) erflijc aen onser/ liever vrouwen outair tarschot tot drie missen ald(air) geordin(eer)t/ It(em) op sestien guld(en) rijnsche aen he(re)n henricx magnus huysvrouwe(n)/ lijftochtrinten ende op sestien guld(en) rijnsche lijftochten ten/ live willems esdorens dair voe(r) uutgaende Voir ende om/ een so(m)me van pe(n)ningen dair af zij minlijc ende eendrachtelijck/ bij een tsamen ov(er)comen zijn en(de) gesloten alsoe zij beyden kindden/ ende lijdden mits zekeren betalingen die de voirs(creven) jonch(er) he(n)ric/ den voirs(creven) he(re)n ph(ilips)e zijne(n) brued(er) dair [mede] af gedaen heeft Te weten(e)
//
vander schult diemen den voirs(creven) he(re)n ph(ilips)e van wegen des voirscr(even)/ wilen jonch(e)r(e)n henricx vaders d(er) voirs(creven) gebruede(re)n tacht(er) en(de) sculd(ich)/ was gedragende vierhondert en(de) tachtentich r(ijnsche) gulden(en) d(air)/ af des voirs(creven) jonch(e)r henricx vijfste gedeelte gedroech xcvi/ guld(en) rijnsche It(em) noch heeft hij dair mede aen he(re) ph(ilips)e/ betaelt sessendertich en(de) eene(n) halve(n) rijnsche gulden(en) den/ selven he(re)n ph(ilips)e verschenen aen jonch(e)r henr(icke) zijne(n) brueder/ van inde maent van febr(uario) anno lxxii na costume shoofs va(n) camer(ijck)/ en(de) noch xxxvi(½) der selver gulden(en) verschene(n) inde selve mae(n)t/ anno lxxiii erflik(er) rinten ende noch acht guld(en) rijnsche die/ jonch(e)r henric den voirs(creven) he(re)n ph(ilips)e oic sculdich was Alsoe dat/ ten slote van zijnen gedeelte vanden vercoep(er)e vande(n) voirs(creven)/ goeden den voirs(creven) jonch(e)r(e)n henr(icke) noch comen vande(n) voirs(creven) he(re)n/ ph(ilips)e xx gulden rijnsche te xx st(uvers) stuck eens dair af de selve/ jonch(er) henric hem vanden selven zijne(n) brueder v(er)nuecht ende/ betaelt kinde ende van desen voirs(creven) vierden gedeelte van desen/ goede(n) en(de) heerlich(eyt) van nurode van vlasselair mette(n) panhuyse/ en(de) met des greve(n) moelen alsoe hij die op den dach va(n) hede(n)/ houdende ende besittende was niet dair inne uutgesceyden/ dair af jonch(e)r henric hem kinde v(er)nuecht voldaen en(de) betaelt/ zijnde van zijnen voirs(creven) brueder Ende kinde dat hij gheen recht/ actie noch toeseggen meer dair aen en behout in gheenre/ manieren ende schout dair af quite ende verteech talle(n) daghe(n)/ tot behoef zijns brueders voirs(creven) sijne(n) nacomelinge(n) en(de) erfgena/ men Voirt heeft jonch(e)r henric van scoenhove(n) toegeseecht/ en(de) gelooft h(ere)n ph(ilips)e zijnen brueder binne(n) eenre maent oft eer/ behoirlike vasticheyt ende guedinge te doene voir he(re) ende/ hove dair af men de voirs(creven) goede houdende is ten coste des voirs(creven)/ he(re)n ph(ilip)s ende d(air) af gelooft waerscap en(de) altoes genoech te doene op/ dat hij he(m) en(de) zijne(n) oiren en(de) nacomel(ingen) ergens hier inne yet te/ nauwe gedaen hadde en(de) recht warand d(air) af alt(oes) te zijne jege(n)/ eene(n) yegeliken sond(er) argelist It(em) is vorwerde dat de(n) selve(n)/ he(re)n ph(ilip)s volgen sal al dat verschene(n) mach zijn vande(n) voirscr(even)/ goeden oft te voe(re)n v(er)schene(n) mocht zijn hoedanich dat zij zeder/ dat de meye(r) va(n) nurode joh(ann)es clissen lestwerve(n) voir datu(m) sbr(iefs)/ mette(n) h(eer)scape va(n) scoenhove(n) gereke(n)t hadde d(air) af dat de selve jonch(er)/ henric gelooft heeft de(n) selve(n) meye(r) en(de) h(er) ph(ilip)s ne(m)m(er)meer te/ eyssce(n) oft te moeye(n) hen oft hue(re)n nacomel(ingen) bij he(m) selve(n) oft yeman(de)/ and(er)s in gheene(n) rechte gheestel(ijc) oft w(eer)lijc en(de) algader sonder/ argelist roelofs berghe octobris p(ri)ma