It(em) de voirs(creven) brued(er) en(de) suste(re)n hebben ope(n)baerlijc geco(n)senteert/ dat de drie vierdegedeelte(n) vand(en) pe(n)ningen die de/ voirs(creven) jorijs ten ocsuyne des(er) come(n)scap sculd(ich) is te geven/ nae begrijp d(er) server come(n)scap dat die op der stad/ wissel in de macht des voirs(creven) jorijs blive(n) selen tot/ aen d(er) tijt toe dat hij vand(en) geheele(n) erve voirs(creven)
//
vestich(eit) nae d(er) stad recht sal hebben Mair soe wa(n)neer/ de voirs(creven) m(eester) gheert va(n) grousselt den selven jorijse/ oic vestich(eit) vand(en) voirs(creven) erve gedaen sal hebben met/ waerscape als voirs(creven) is dan sal de voirs(creven) m(eester) gh(eer)t/ deen vie vand(en) drie vie(re)ndeelen d(er) voirs(creven) d(enieren) moege(n)/ trecken En(de) als de voirs(creven) twee gesusters den voirs(creven)/ jor(ijse) oec gelike vestich(eit) selen hebben gedaen te/ weten(e) jouffr(ouwe) m(ar)gr(iete) [ka(tlij)[ne]] met hue(re)n manne en(de) mo(m)boer/ en(de) jouffr(ouwe) m(ar)gr(iete) met hue(re)n wettigen kinde(re)n oft/ van dien hue(re)n gedeelte den selven jor(ijse) sulcke seke(rheit)/ gedaen dat hij voe(r) hue(r) en(de) hue(r) wettig(en) kinde(re)n/ des te vreden moege(n) wesen nae der stad recht/ dat dan elcke(n) der voirs(creven) suste(re)n nae den ond(er)scheide/ voirs(creven) hue(r) aendeel d(er) pe(n)ningen vand(er) voirs(creven) come(n)scap/ volge(n) sal eisdem