Uut dien dat questie gevallen es tussce(n) willem(me) maes ter eender/ zijden ende gheerde van a(m)merle die van wegen en(de) ten versueke/ des selfs willems in gevanckenisse sidt in dande(re) op een poent/ begrepen inder cedullen vanden coste(n) van rechte die de vorscr(even)/ willem den selve(n) gheerde eysscen(de) is te wete(n) vande(n) getuyge(n)/ die inde sake voe(r) tussce(n) de vors(creven) p(ar)tien gedaecht hadde(n) geweest/ dair de vors(creven) gheerd ontkinde dat zij gheen drie reyse(n) gedaecht/ zijnde alhier geweest en hadden Dair op de vors(creven) willem ter/(con)trarien boot te thoene(n) mette(n) selve(n) getuyg(en) en(de) ten coste/ vand(en) ongeliken dat sij te(n) mynste(n) alhier gedaicht telke(n) male/ met rechte drie reysen te mynste(n) hadde(n) geweest ende voer/ en(de) eer symon wijlen ts(er)arnts wed(er)roepe(n) hadde de p(ro)cu(ra)tie die/ hij de(n) voirs(creven) willem(me) maes hadde gegev(en) inden welk(en) de selve/ willem sijns vermeets volqua(m) Ende alsoe wart get(er)mineert/ dat de vors(creven) gheert gehouden soude blive(n) alsoe wale de geeyste/ coste(n) vande(n) getuyg(en) te gelden als ande(re) coste(n) van rechte/ bide(n) selve(n) willem(me) geeyscht en(de) mede de coste(n) van rechte/ nu in desen p(ro)cijsse gebuert Act(um) in ple(n)o (con)silio no(vem)[br(is)] xix