Van allen alsulken questien en(de) gescillen alse e(n)nichsins sijn ende/ wesen moigen tusscen augustine coreken ter eender zijde(n) ende/ willem(me) sijne(n) brued(er) t(er) ande(re) om diverse eyssche en(de) gebreke die/ de selve augustijn totten vors(creven) zijne(n) brueder weert uutstaen(de)/ mach hebben totten daige toe van heden in e(n)nig(er) manie(re)n hebben/ hen de vors(creven) p(ar)tien verbonden en(de) gesubmitteert in segge(re)n ende/ vrintlike yffene(re)n Te wete(n) de vors(creven) augustijn in gerarde van/ baussele secretar(is) en(de) goirde hanckart en(de) de vors(creven) willem in/ arnold(us) kyp en(de) willem(me) lambrechts in sulker vueg(en) dat de/ vors(creven) segg(er)s infor(ma)cie van p(ar)tien gescille(n) neme(n) sele(n) ende/ aenhoi(re)n al tgene dat ter justificacien vand(en) saken behoe(re)n sal/ en(de) hue(r) eendrechtige uutsprake doen binne(n) xiiii nachten/ naistcomen(de) Ende oft p(ar)tien segg(ere)n gebrak(en) in die stat ande(re)/ te moig(en) neme(n) P(ro)mitt(entes) rat(um) Ende hier op hebbe(n) p(ar)tien/ in wed(er)sijde(n) verstelt ge(con)tinueert en(de) verlingt den dach van/ rechte [die] op morge(n) diene(n) soude inde(n) gevalle oft hier af/ duytsprake niet gesciet en ware cor(am) berghe vos ja(nuar)[ii] xxiiii