Vande(n) gedinghe dat voe(r) meye(r) en(de) scepen(en) va(n) loven(en) geweest es/ tussche(n) arnold(en) trot die voe(r) tgebreck va(n) vie(r) r(ijns) guld(en) lijfpen(sien) met/ scepen(en) br(ieve) va(n) loven(en) geleyt es tot alle(n) den goeden have en(de) erve/ hubr(echts) wile(n) va(n) berthem aenlegg(er)s in deen zijde en(de) mychiel vijte/ verweerde(r) in dande(re) daer de voirs(creven) arnold[(us)] mette(n) voirscr(even)/ beleyde meynde te v(er)reycke(n) dinhout zijnre voirs(creven) scep(enen) br(ieve)/ soe v(er)re hij zijn gebreck met eede ve(r)ifice(re)n soude willen aen/ eene(n) hof met zijnder toebeh(oorten) die de voirs(creven) v(er)werde(r) besidt geleg(en)/ inde strate ald(air) men te(n) beghij(n)hove w(er)t gaet ov(er) de veemerct/ seggen(de) dat he(m) den selve(n) hof voe(r) tgebreck va(n) zijne(n) ve(r)ificacie(n)/ sculdich wae(re) te volge(n) Vande(n) welke(n) de selve v(er)weerde(r) hielt/ de contrar(ie) meynen(de) want hij bijden voirscr(even) hubr(echte) inde(n) voirs(creven)/ hof met zijnder toebeh(oorten) gegoet was d(air)af de possessie hadde/ en(de) de jaergebode doen doen dat hem den selve(n) hof blive(n) soude/ en(de) dat de voirs(creven) arnold(us) met zijne(n) beleyde d(air)aen v(er)doelt wae(re)/ Daer jeghen de voirscr(even) arnold(us) wed(er)o(m)me repliceerde want/ zijn beleyt voe(r) zijnd(er) wed(er)pa(r)tien gued(inge) wae(re) gedae(n) en(de) de gebode/ noch gheen jaer en ware(n) geled(en) dat he(m) zij(n) voirs(creven) conclusie/ werden soude Was gewijst ten uuyt(er)sten nae ae(n)sp(ra)ke en(de)/ v(er)antweerd(en) van beyde(n) p(ar)tien dat den voirs(creven) arnold(en) en(de) zijne(n)/ beleyde tot behoef van zijnder wettig(er) schout die hij met/ zijnder eedt ve(r)ifice(re)n woude volge(n) soude p(rese)nt(ibus) om(n)ib(us) de(m)pt(is)/ roelofs lang(rode) decembr(is) xxii