It(em) gielijs vand(er) balct sone wijlen gielijs en(de) jan block woenen(de) te/ boensbeke rintmeest(er) der abdissen van vrouwe(n) p(er)cke hebben gelooft ind(ivisim)/ janne van borre rintmeester der gebrued(ere)n van hoochstrate(n) want/ de selve jan hen betailt heeft die xii rijd(ers) die jan wijlen van/ winxele voe(r) en(de) sijn huysvrouwe nae hadden en(de) te heffen plag(en)/ opde goede vand(en) royele met hue(re)n toebehoirten en(de) die nu lest/ gevallen zijn inde maent van junio nae de doot der vor(screven) weduwe(n)/ van winxele dair af zij hem oic quitan(cien) hebben gegev(en) ov(er)mits/ dat ande(re) sijn die recht en(de) actie tott(er) vor(screven) payen en(de) gevallen(en)/ rente(n) meyne(n) te hebben dat zij den selven janne van borre vand(er)/ selver betaling(en) warant sijn sullen tegen eene(n) yegelik(en) ende/ zulken last van v(er)volge oft and(er)s als den selven janne van borre/ dair af comen mochte dat zij hem sullen ontslaen Ende oft/ ande(re)n de betalinge gebuerde te gescien dat zij hem dair af/

sullen ontslaen ende oft ande(re)n de betalinge gebuerde te gescien/ de selve so(m)me met allen coste(n) en(de) laste die hij hadde gelede(n) selen/ restitue(re)n ende voer des voirs(creven) es zullen zij den selven janne/ redelike caucie setten in consilio opidi dec(embris) ulti(m)a/