It(em) de voirs(creven) willem ter eender zijden joes ter ande(re) en(de) jan zuetma(n)s/ ter derder zijn met malcande(re)n eenswordde(n) der pointe(n) nae bescrev(en)/ die zij malcande(re)n gelooft hebben tonderhoude(n) Ierst dat de(n) vors(creven)/ janne van nu voirtane volgen selen sal alsulke(n) comenscap/ van huyse en(de) hove dwelc de vors(creven) willem sijn vad(er) tegen/ tvors(creven) goidshuys tande(re)n tide(n) ten erffpachte genome(n) heeft/ opde(n) co(m)mer daer voer uutgaen(de) Ende voirt op onderhalf m(ud)[de]/ rox die tgoidshuys d(air) van p(er)cke d(air) aen behielt d(air) af alnoch/ gheen guedinghe noch vestich(eit) ter eend(er) noch ande(r) zijde(n) en es/ gedaen en(de) dair mede sijne(n) vryen wille doen Behalve(n) dat de/ selve sone sijne(n) vader lossen sal vanden onderpande die de/ selve zijn vader den vors(creven) goidshuyse sculdich es te setten/ voir de helicht vand(en) vors(creven) pachte [en(de)] sal den selve(n) goidshuyse/ dien ond(er)pant sette(n) soe wa(n)neer den selve(n) janne guedinge/ en(de) vestich(eit) behoirlic gesciet vand(en) vors(creven) comenscap Ende hier/ op heeft gelooft de selve jan de sone den vors(creven) joese te/ betale(n) noch van v(er)loepen(en) pachte bove(n) des de vader alleene/ gelijc voe(r) gelooft heeft de so(m)me van xii(½) mudde(n) cor(ens)/ te wete(n) twee mudde(n) d(air)af te paesschen naistcomen(de) twee/ mudde(n) d(air) af van kersmisse naistcomen(de) over een jair twee/ mudde(n) d(air) af te kersmisse d(air) nae en(de) alsoe alle kersmisse twee/ mudde(n) d(air) af tot al betailt es mair te(n) leste(n) t(er)mijne ii(½) mudde(n)/ te betale(n) quol(ibet) ass(ecutu)[m] ende bove(n) desen sal de selve jan alnoch/ jairlix totte(n) tide van sijnd(er) gueding(en) vand(en) vors(creven) erve betale(n)/ sint andriesmisse de vors(creven) i(½) mudde corens tamq(uam) ass(ecutu)[m] Sal/ voort de selve jan bove(n) desen den vors(creven) joese als p(ro)cur(eur) voir/ de co(m)me(re)n uute(n) vors(creven) goede(n) gaen(de) die tgoidshuys wel xii jair/ lang selve den he(re) van heverle betailt heeft geve(n) en(de) betale(n)/ de so(m)me van xii clinck(ar)ts te xiiii st(uvers) tstuc ts(int) jansmisse naistcomen(de)/ de vier d(air) af tsint jansmisse d(air) na de vier d(air) af en(de) ts(int) jansmisse/ d(air) na de leste vie(r) quol(ibet) ass(ecutu)[m] cor(am) vos heyk(ens) ja(nuar)[ii] ulti(m)a