It(em) jan rutgheert wynne he(re)n claes van s(in)[te] guerix ridders/ van sijnen goeden van bierbeke heeft gekind en(de) gelijdt den/ selve(n) he(re)n claese van goeder deughdeliker gerekend(er) scult/ sculdich ende tachter te wesen uut saken der pechtinghen der
//
voirs(creven) zijnd(er) goede de so(m)me van lxxvii(½) rinsche guld(en) te xx st(uvers)/ tstuc elken stuver te drie pl(a)c(ken) Heeft voort bekind om den selven/ he(re)n claese d(air) af te v(er)nuegen ten naiste(n) dat hij vuechlixt conste/ den selve(n) deughdelic en(de) in tytle van rechtveerdige(n) coepe v(er)cocht/ te hebben de p(ar)ceele(n) van haefliken goeden hier nae bescrev(en) ende/ voer de so(m)men dair op die gelijc hier nae volcht getaxeert sijn/ Te weten inden yersten eenen waghen met vier p(er)den metten getouwe/ ploeghen eeghden en(de) ande(re)n toebehoirte(n) getaxeert op veertich rinsche/ guld(en) vive coeyen v calve(re)n getaxeert op xxii rinsche guld(en) tvierdel/ van hondert schapen mett(er) wollen en(de) vervueden der selver op/ xviii rinsche guld(en) Welke p(ar)ceele(n) van goede(n) den vors(creven) he(re)n claese/ tallen tiden als hijs begheert volgen selen ende gerestitueert wordde(n)/ alse zijn p(ro)per gecochte goide in alsulken wesen(de) en(de) alsoe goet als/ die nu zijn bij alsoe wordde(n) die bij deughdeliker estimacien arg(er)/ vonden dat hem dat de vors(creven) jan rutgheert oprichte(n) soude cor(am)/ roelofs vos febr(uarii) vii