Nae dien dat op in rechte comen sijn inde banc voir meye(r) en(de)/ scepen(en) van loven(e) symon van wersbeke als aenlegge(r) in deen/ zijde en(de) bartelmeeus van herbaix verweerde(r) in dande(re) heeft/ deselve symon doen opdoen hoe dat [hij ten versuek(en)] des vors(creven) bartelmeeus/ corts voir kersmisse lestlede(n) ende ter sijne(n) versueke bide(n) meye(r)/ van loven(e) in hachten gesedt es geweest voir eene(n) banduyn/ die de selve meye(r) seide dat de vors(creven) symoen anderwijlen/ gelooft soude hebben voir de scepen(en) van der he(re)n van sinte/ lambrechts te luydic in hue(re)n hove te nordrengues uut/ ocsuyne van eenre geluften van thien mudde(n) rogs drie/ mudde(n) tarwe(n) en(de) xiii mudde(n) haverneels welken banduyn/ gedroech ter so(m)men vand(en) derdendeele der vors(creven) geheeld(er) gelofte(n)/ en(de) die hij mits den gebreke van betaling(en) der vors(creven) scult/ hadde late(n) overgaen en(de) verstrijken dair huer soe verre/ geprocedeert was biden vors(creven) meye(r) en(de) symoene alhier/ inder banc dat de selve symoen nade p(ar)tijscap gewijst was/ den vors(creven) banduyn int geheel te cuelen al waert soe en(de)/ bove(n) dien dat de selve bartelmeeus tande(re)n tiden en(de) voir
//
den overgeven(e) alhier te loeven(e) aende(n) vors(creven) meye(r) den selven/ banduyn op sinter claes dach voir den vors(creven) kersmisse lestled(en)/ voir den meye(r) en(de) scepen(en) vand(en) vors(creven) hove van nordrengues/ dair de selve bertelmeeus sel nochtan selve meye(r) was/ overgeg(ev)en hadde opden vors(creven) symoene niet wederstaen(de) oec/ dat hij bete bertelmeeus vors(creven) dien banduyn overgevende/ selve hee(re) en(de) p(ar)tie was en(de) dat navolgen(de) dien de selve/ bertelmeeus d(air) na come(n) was aende(n) meye(r) van jandrain/ dair onder de vors(creven) symoen woenachtich was versueken(de)/ den selve(n) symoene met sijne(n) goeden bedwongen te hebben/ dinhoud vand(en) vors(creven) gelofte(n) vand(en) x mudde(n) rogs drie/ mudde(n) tarwe(n) en(de) xiii mudde(n) hav(er)l hav(er)neels d(air)af de/ t(er)mijne(n) verstreken en(de) overlede(n) wa(r)en uutgereyct en(de) betailt/ te hebbe(n) en(de) desgelix tderdel vand(en) vors(creven) banduyne ende/ dat te dier tijt de vors(creven) meye(r) van jandrain den vorscr(even)/ bartelmeeuse vraeghde openbairlic oft hij trecht eysschte/ oft begheerde op des vors(creven) symoens lijf oft op sijn goede/ en(de) dat doen de selve bartelmeeus antweerde kyesende en(de)/ bege(re)nde trecht te hebben op des vos vors(creven) symoens goede/ en(de) niet op sijn lijf welken navolgen(de) en(de) mits den v(er)suek/ vors(creven) de vors(creven) meye(r) van jandrain ter stont gestelt hadde/ in rastem(en)te alle des vors(creven) symoens goide leggen(de) dair inne/ zijn dieners voir tvoldoen vand(en) vors(creven) banduyne en(de) voir/ de vors(creven) p(ri)ncipael scult tot dat die verborcht wardden/ bij den vors(creven) symoene en(de) robbeerde sijne(n) brued(er) d(air) mede/ dat de vors(creven) meye(r) te vrede(n) was alsoe dat de vors(creven) meye(r)/ van jandrain maende d(air) na den geswo(r)enen wes hij met/ des vors(creven) symoens goede(n) sculdich was te doene om d(air) af de
//
de voirscr(even) sculden en(de) banduyn betailt te wordde(n) die alsdan wesen/ voir recht datme(n) den vors(creven) symoene sculdich was dach te doene/ om binne(n) derde(n) daige d(air)na sijn goede te moeg(en) v(er)antweerde(n)/ en(de) dat den yerste(n) [dien] dach d(air)af diende [des tweesten] svrijdachs voir kersmisse/ lestlede(n) den ande(re)n [en(de)] mits dat hij dan niet en comp(areren) wil [des] sondaichs/d(air) na te wete(n) tsondaichs voir kersmisse datme(n) hem wed(er) dach/ besceide(n) soude binne(n) derde(n) daige d(air)na als op sijne(n) derde(n) dach/ op welken derde(n) dach dienen(de) des sondaichs voir kersmisse zij/ verstonden dat de vors(creven) symon te loven(e) in hachte(n) was ende/ hadde(n) alsoe gewijst dat de vors(creven) meye(r) van jandrain de goede/ svors(creven) symoens te binne(n) sijn soude e(m)mer tot d(er)re tijt toe dat/ get(er)mineert soude sijn bider stat van loven(e) wesmen inder saken/ sculdich soude sijn te doene seggen(de) voort dat de vorscr(even)/ meye(r) navolgen(de) desen gestelt hadde inder schue(re)n des vors(creven)/ symoens voir tvoldoen vand(en) vors(creven) banduyne en(de) p(ri)ncipaeld(er)/ scult twee dersschers die d(air) gedorsschen hadden ii daige oft/ dair omtri(n)t om den vors(creven) bartelmeeuse te betalen van zijne(n)/ vors(creven) eyssche en(de) dat den banduyn overgege(ve)n was eer ennich/ vo(n)nis vand(en) vors(creven) wethoude(re)n d(air)op geweesen was seggen(de)/ ten slote dat de vors(creven) symoen na dovergeve(n) vand(en) vorscr(even)/ banduyne noit vluchtich noit absent en es geweest noch/ hem geabsenteert en heeft gehad vand(en) vors(creven) plaets(en) mair/ aldair te loven(e) en(de) elswair altijt verkeert en(de) tot d(er)re tijt/ toe dat hij vand(en) vors(creven) meye(r) van loven(e) ten aenbring(en) en(de)/ versuek des vors(creven) bartelmeeus ald(air) aengetast wart d(air) hij/ alnoch sade conclude(re)nde en(de) zijn sak sluiten(de) hopen(de) dat / de vors(creven) bartelmeeus hem sculdich soude sijn te restitue(re)n/ opte legg(en) en(de) te betalen den vors(creven) banduyn die hij met
//
onrechte alsoe hij hoopte te(n) aenbring(en) als hadde moten/ betalen en(de) coste(n) co(m)me(re)n schade(n) en(de) laste(n) die hij d(air) o(m)me/ geleden hadde en(de) alnoch soude moeg(en) lijden te voird(er) want/ hij alle pointe(n) in feyte geleg(en) boot te thoene(n) zoe v(er)re hem/ die ten ond(er)stande van sijne(n) rechte soude(n) moig(en) diene(n)/ dair tegen de vors(creven) bartelmeeus hem v(er)antweerden(de) dede/ seggen datme(n) ne(m)mermeer bevi(n)den en soude dat de handelinge oft tgeen des de vors(creven) symoen bijgeleecht hadde alsulc wa(r)e/ en(de) besundert dat hij int overgeve(n) vand(en) banduyne ter/ plaets(en) van nordreng(nes) jandrain oft elswair yets yet gevord(er)t/ hadde beide opde goede oft p(er)soen des vors(creven) symoens d(air)mede/ dat hij v(er)achtert soude zijn geweest voird(er) dan hem navolgen(de)/ zijnd(er) geluften na recht georloft was en(de) hadde de vors(creven)/ meye(r) van loven(e) e(n)nig(en) banduyn op hem gewonne(n) dat/ en stont in sijne(n) wech niet met meer woirde(n) die hij in/ rechte dede segg(en) luttel dienen(de) ter justifica(ci)[en] van zijnd(er)/ saken conclud(ere)nde alsoe dat de vors(creven) symoen op hem v(er)doolt/ wa(r)e e(n)nige restitucie te suek(en) van banduyne(n) coste(n) oft/ laste(n) vors(creven) hem des getroesten(de) totte(n) rechte alsoe dat/ de vors(creven) symoen gewijst was tot sijne(n) thoene dair inne/ hij genoech zijns v(er)mets volqua(m) Es gewijst bijden/ he(re)n scep(enen) van loven(e) t(er) maniss(en) smeyers dat de vorscr(even)/ bartelmeeus gehoude(n) soude sijn den vors(creven) symoene restitucie/ te doene vand(en) vors(creven) banduyne en(de) den coste(n) van rechte/ die de selve symoen gehadt hade heeft uut des selfs/ b(ar)telmeeus aenbringen(e) totten daige [toe] vand(en) vo(n)nisse ende
//
heeft hij d(air)entinden e(n)nich gebrec van banduyne oft sculde(n)/ dat hij die volgen mach ter plaetsen dair hij begonne(n)/ heeft act(um) cor(am) scabinis in scampno febr(uarii) xxiii