It(em) jacop alyame en(de) m(ar)gr(iete) der moeyen zij(n) wijf wed(uwe) jans/ wile(n) vander acht(er) diemen hiet boschverke(n) hebbe(n) geloeft/ ind(ivisim) dat zij tussche(n) dit en(de) sint jansmesse naestcomen(de)/ brueder ja(n)ne vand(en) steene als p(ro)curator des godsh(uys) va(n)d(en)/ p(re)dike(re)n te loven(e) tot behoef vand(en) selve(n) godsh(uys) loflike vestich(eit)/ en(de) bewijssenisse doe(n) sulle(n) sulke dat dat vast seker/ en(de) wel besorcht zij op goede loflike ond(er)pande te/ boutsvoirt gelege(n) van twee rijd(er)s erflijck de(n) vorscr(even)/ godsh(uys) va(n) wegen brued(er)s jans vand(er) acht(er) d(er) voirs(creven) m(ar)gr(ieten)/ sone vande(n) yerste(n) bedde inden voirs(creven) godsh(uys) op heden gep(ro)fessit/ te heffen(e) en(de) te vuere(n) nade doot d(er) vors(creven) m(ar)gr(iete) der moed(er)/ op sulken vueghe wair de voirs(creven) brueder jan vand(er) acht(er)/ aflivich worde voir phi(lips)e alyame zijne(n) brued(er) vand(en) tweeste(n)/ bedde dat dan de selve ph(ilip)s die twee rijd(er)s nae zij(n)d(er)/ voirs(creven) moed(er) doot zijn leefdage tot zijnd(er) tocht behoef/ heffen soude en(de) nae zij(n) doot soude in dien gevalle/ tvoirs(creven) godsh(uys) die yerst erffelijck ae(n)veerde(n) hebbe(n) en(de) besitten/ Et t(antu)m cor(am) roelants langrode m(ar)cii xiiii