It(em) jan couwens gorts sone woenen(de) te bynckem en(de) de selve goird/ de vader woenen(de) te glabbeke hebben gekind en(de) gelijd dat zij/ volcomelic ende altemale zoe van arnde vand(er) berct goirde/ hanckart soe van henricke van gulcke ge(con)tenteert v(er)nuecht voldaen
//
en(de) te vreden gestelt sijn van achthondert en(de) vijftich lichter guld(en) die/ men den selven janne couwens sculdich was vanden hove ende/ goeden van corttenbroec te binckem taetrode en(de) dair omtrint geleg(en)/ die de selve jan v(er)cocht hadde willem(me) de hane den jonghen en(de) voort/ den selven willem(me) van narderscapen ontquijt waren bijden voirs(creven)/ henricke van gulcke ende oic van allet ghene desmen den voirs(creven)/ janne uut saken vand(er) selver comenscap anderssins tachter was/ oft sijn mochte en(de) van allen coste(n) en(de) laste(n) dair inne geloepen/ Behalven oft de voirs(creven) jan couwens en(de) goird den voirs(creven) arnde noch/ een boender lants leverden dat den selve(n) arnde genueghde ende/ hem dair inne goidden behoorlic dat dan deselve arnd hem dair/ voe(r) geven soude xxxvi rinsche guld(en) te xx stuv(er)s tstuc Oec waer/ de selve jan en(de) goird couwens den voirs(creven) arnde afdoen eene(n) sack/ corens lijftochten die h(er) anthonijs vande(n) dorpe p(ri)est(er) opde voirscr(even)/ goede heeft binne(n) eend(er) maent naistcomen(de) dat dan de selve arnd/ hem geve(n) sal thien rinsche guld(en) Voort hebben gelooft de selve/ jan en(de) zijn vader op eene(n) banduyn van eene(n) rijde(r) ter stont afte/ doene alsulk(en) rastacie en(de) v(er)volch als jan cleynvranx gedaen heeft/ op seke(re) hue(r) pe(n)ninge [die] onder den vors(creven) arnde stonde(n) die zij nu kinne(n) d(air)op/ ontfang(en) te hebben Ende wesmen van ouden v(er)loepen(en) pachte meer/ bevi(n)t opde goede ombetailt dan twee en(de)veertich en(de) een half mudde(n)/ cor(ens) loven(sch) dat sele(n) de selve jan en(de) goird sijn vad(er) afdoen t(er) maniss(en)/ des voirs(creven) arnts oec op eenen banduyn van eenen rijde(r) cor(am)/ langrode vos junii xxvii